Квасы

Село в Украинѣ Квасы Кваси укр. Выгляд на село з околицѣ Давны назвы Боркут, 1648 Еврорегион КарпатыКарпаты Область ЗакарпатскаЗакарпатска Район Раховскый Сельска рада Квасовска Координаты 48.155278, 24.28055648°09′19″ с. ш. 24°16′50″ в. д.48.155278° с. ш. 24.280556° в. д.    Розлога 6,47 км² Вышка центра села 560 м Обывательство 1794 особы (2001) Часова зона UTC+2, влѣтѣ UTC+3 Телефонный код +380 3132 Поштовый индекс 90640 КОАТУУ 2123683001

Квасы́, до року 1946 Тисаборкут, укр. Кваси — село в Раховском районѣ Закарпатской области Украины, сѣдлиско Квасовской сельской рады, ку котрой належать тыж села Ситный и Тростянець.

Полога

Село лежить на обох берегах Чорной Тисы о 14 км повыш Рахова. Через село иде желѣзниця Рахово – Ивано-Франковск и автодорога Ужгород – Ивано-Франковск.

История

Назва

Перва документована упоминка о селѣ походить з року 1648, а назва села Боркут, мад. Borkút походить з тутешного мадярского диалекта и означать “квасну воду”, минералку. Тоту назву в подобѣ буркут позычили собѣ и мѣстны Румыны. Русинска назва Квасы, истого вызнаму, задокументована уже од року 1725.

Купелѣ

Од середины XIX. стороча село достало знамости своима лѣчивыма водами, боркутами, и ту зачало ся розвивати купельництво. Спочатку была то деревяна хыжа з четырма избами, в котрых стояли деревяны кади на лѣчивы купелѣ. В чехословацкой добѣ выставили нову векшу купелну будову, а коло ней готел на 20 изб зоз 50 постелями. При совѣтской добѣ од року 1958 фунговав пансионат «Горска Тиса».

Вѣра

В року1860 освячена нова грекокатолицка деревяна церква Роздва Пресвятой Богородицѣ, котра была росширена в року 1931. В року 1930 громада мала 1202 парохианы.

Чехословацка доба

В року 1930 село мало 1500 обывательох, з котрых 1245 — Русины, 161 — Евреи, 39 — Чехы и Словаци, 15 — Мадяре, 2 — Нѣмцѣ, 37 — чужинцѣ без чехословацкого подданства, 1 — неозначеный. В селѣ была державна пошта, желѣзнична штация, русинска школа (5 клас), чешска школа (1 класа), а на полонинѣ Квасовскый Менчул — державна молочарня на переробку молока. В приселках Ситный и Тростянець были окремы русинскы школы (по 1 класа).

Днешность

Пансионат Горска Тиса в року 1977 по реконштрукции достав статус санатория. В року 2008 была далша модернизация, котра подняла комфортность, и днесь санаторий мать добру репутацию.

Жерела и одказы

• Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9 мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр. с. 161
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Санаторій «Гірська Тиса». Історія (по украинскы). http://tisa.uz.ua/ua/pro_sanatoriy/istoriya. [перевірено 2019-07-29]. 

Референции

Навигация по Раховскому району Районный центер: Рахово Мѣстечка: Великый Бычков • Кобылецка Поляна • Ясѣня Села: Бѣла Церква • Бѣлин • Богдан • Бребоя • Верхное Водяное • Водиця • Выдричка • Говерла • Дѣлове • Добрик • Квасы • Косовска Поляна • Костыльовка • Круглый • Лазещина • Луг • Лугы • Ольховатый • Плаюц • Росошка • Ростокы • Середное Водяное • Ситный • Стебный • Стримба • Тростянець • Хмельов • Чорна Тиса