Саха Сирэ
| |||||
Киин куората | Дьокуускай | ||||
Иэнэ | 3 103 200 км² | ||||
Дьонун ахсаана | 964 330 (2018) | ||||
Федеральнай уокуруга | Уһук Илин | ||||
Экономическай оройуона | Уһук Илин | ||||
Ил тыла | Нуучча тыла, Саха тыла | ||||
Ил Дархан | Айсен Николаев | ||||
Кэм зоната | UTC {{{FSUTC}}} |
Саха Сирэ, сорумдьу аата Саха Өрөспүүбүлүкэтэ (нууч. Республика Саха (Якутия)), Арассыыйа Федерациятын субъега буолар. 1851 с. Иркутскай генерал-губернаторствотын Саха уобалаhа диэн ааттанан тэриллибитэ. Кулун тутар 27 күнүгэр 1922 с. Саха АССР тэриллибитэ. Ахсынньы 28 күнүгэр 1991 с. Саха ССР, 1992 с. кулун тутар 27 күнүттэн — Саха Өрөспүүбүлүкэтэ.
Сибиир хотугулуу-илин өттүгэр сытар.
Тайаан сытар иэнэ 3103,2 тыh. км² — Арассыыйа Федерациятын саамай улахан субъега. Нунавут Канада — кэннэ — аан дойдуга ордук улахан административнай территориальнай биирдик.
Географията
Кэм зоналара
Саха Сирэ 3 кэм зонатыгар сытар (MSK+6 (UTC+9, сайын UTC+10) — арҕаа өттө, Дьокуускайы кытта, MSK+7 (UTC+10, сайын UTC+11) — ортото, Саҥа Сибиир арыыларын кытта, MSK+8 (UTC+11, сайын UTC+12) — илин өттө).
Өрүстэр
Саха Сиригэр 700 тыh. тахса өрүс уонна үрэх баар. Кинилэр бары холбоон уhуннара 2 млн. км. кэриҥэ буолар.
Республика ордук улахан устар аал сырыылаах өрүстэрэ Өлүөнэ (уhуна — 4400 км.), Бүлүү (2650 км.), Өлөөн (2292 км.), Алдан (2273 км.), Халыма (2129 км.), Индигир (1726 км.), Өлүөхүмэ (1436 км.), Анаабыр (939 км.) уонна Дьааҥы (872 км.).
Атын улахан өрүстэр:
- Алаһыай (1590 км),
- Амма (1462 км) Алдан салаата,
- Марха (1181 км) Бүлүү салаата,
- Түҥ (1092 км) Бүлүү салаата,
- Маайа (1053 км) Алдан салаата,
- Моркуока (812 км) Марха салаата,
- Учур (812 км) Алдан салаата,
- Лииндэ (804 км) Өлүөнэ салаата,
- Ньүүйэ (798 км) Өлүөнэ салаата,
- Силээннээх (796 км) Индигир салаата.
Хайалар
Саха Сирин саамай улахан хайата — Верхоянскай сис хайата. Өлүөнэ өрүһү сэргэлэһэ турар, Охотскай муораттан Лаптев муоратыгар дылы ханньары сурааһыны хаалларар.
Черскай сис хайата Верхоянскай сис хайатын илин өттүгэр баар. Пик Победа — Саха Сирин саамай үрдүкү (3147 м.) өргөһө турар. Иккис саамай улахан өргөс — Муус Хайа өргөһө 3011 м. үрдэллээх.
Демография
Саха Сирин олохтоохторун ахсаана 962 835 [1] киһи (2016). Куораттарга олорор дьон — 64,3 % (2002) Нэһилиэнньэ чиҥэтэ 0,3 киһи/км². Инньэ гынан, Саха Сиригэр дьон олорор чиҥэтэ Россия регионнарыттан саамай кыра.
Олохтоох дьон ахсаанын уларыйыыта
Дьон ахсаана уларыйыыта (тыһ. киһинэн.).
Сыл | Нэһилиэнньэ ахсаана |
---|---|
1959 | 487 |
1978 | 842 |
1989 | 1049 |
2002 | 949 |
2010[2] | 958,3 |
Эр киһитэ-дьахтарын ахсаана
2002 cыл бүтүн Арассыыйа сурутуутун түмүгүнэн:
Куорат олохтоохторо | Тыа дьоно | Барыта | % | |
---|---|---|---|---|
Эр киhи | 296 155 | 168 062 | 464 217 | 48,9 |
Дьахтар | 313 844 | 171 219 | 485 063 | 51,1 |
Омуктара
1939—2010 ыытыллыбыт сурутуу түмүгүнэн омуктар:
Омуктара | 1939[3] | 1959[4] | 1970[5] | 1979[6] | 1989[7] | 2002[8] | 2010[9] |
---|---|---|---|---|---|---|---|
Сахалар | 233 273 (56,5 %) | ▼ 226 053 (46,4 %) | ▲ 285 749 (43,0 %) | ▲ 313 917 (36,9 %) | ▲ 365 236 (33,4 %) | ▲ 432 290 (45,5 %) | ▲ 466 492 (49,9 %) |
Нууччалар | 146 741 (35,5 %) | ▲ 215 328 (44,2 %) | ▲ 314 308 (47,3 %) | ▲ 429 588 (50,4 %) | ▲ 550 263 (50,3 %) | ▼ 390 671 (41,1 %) | ▼ 353 649 (37,8 %) |
Эбэҥкилэр | 10 432 (2,5 %) | ▼ 9505 (2,0 %) | ▼ 9097 (1,4 %) | ▲ 11 584 (1,4 %) | ▲ 14 428 (1,3 %) | ▲ 18 232 (1,9 %) | ▲ 21 008 (2,2 %) |
Украиннар | 4229 (1,0 %) | ▲ 12 182 (2,5 %) | ▲ 20 253 (3,0 %) | ▲ 46 326 (5,4 %) | ▲ 77 114 (7,0 %) | ▼ 34 633 (3,65 %) | ▼ 20 341 (2,2 %) |
Эбээннэр | 3133 (0,8 %) | ▲ 3537 (0,7 %) | ▲ 6471 (1,0 %) | ▼ 5763 (0,7 %) | ▲ 8668 (0,8 %) | ▲ 11 657 (1,2 %) | ▲ 15 071 (1,6 %) |
Татаардар | 4420 (1,1 %) | ▲ 5172 (1,1 %) | ▲ 7678 (1,2 %) | ▲ 10 976 (1,3 %) | ▲ 17 478 (1,6 %) | ▼ 10 768 (1,1 %) | ▼ 8122 (0,9 %) |
Дьаһалталарынан уонна сирдэринэн (территорияларынан) араарыы
(Сүрүн ыстатыйа: Саха Өрөспүүбүлүкэтин дьаһалталарынан уонна сирдэринэн араарыы)
Саха Сирин интерактивнай картатыгар кыһыл өҥүнэн Дьокуускай уонна Жатай бэлиэтэммит.
# | Улуус | Киин | Куорат ахсаана |
Бөһүөлэк ахсаана |
Нэһилиэк ахсаана |
Дьокуускайтан ырааҕа, км |
Иэн, км² | Олохтоох дьон ахсаана (2010 сыл) |
---|---|---|---|---|---|---|---|---|
1 | Дьокуускай | Дьокуускай | 1 | 1 | 2 | 0 | 3584 | 287 954 |
2 | Нүөрүҥгүрү | Нүөрүҥгүрү | 1 | 6 | 2 | 818 | 98 890 | 85 222 |
3 | Мирнэй | Мирнэй | 2 | 4 | 3 | 1207 | 165 779 | 78 740 |
4 | Алдан | Алдан | 2 | 4 | 3 | 534 | 156 820 | 45 650 |
5 | Ленскэй | Ленскэй | 1 | 2 | 8 | 1070 | 76 999 | 38 618 |
6 | Хаҥалас | Покровскай | 1 | 1 | 16 | 74 | 24 680 | 33 934 |
7 | Мэҥэ-Хаҥалас | Аллараа Бэстээх | 1 | 29 | 18 | 11 733 | 30 963 | |
8 | Өлүөхүмэ | Өлүөхүмэ | 1 | 2 | 21 | 651 | 160 792 | 24 826 |
9 | Бүлүү | Бүлүү | 1 | 1 | 19 | 592 | 55 193 | 25 187 |
10 | Сунтаар | Сунтаар | 26 | 985 | 57 804 | 25 304 | ||
11 | Ньурба | Ньурба | 1 | 18 | 812 | 52 436 | 23 842 | |
12 | Уус-Алдан | Бороҕон | 21 | 127 | 18 276 | 20 927 | ||
13 | Нам | Нам | 18 | 84 | 11 870 | 22 879 | ||
14 | Үөһээ Бүлүү | Үөһээ Бүлүү | 21 | 660 | 42 050 | 21 279 | ||
15 | Чурапчы | Чурапчы | 17 | 182 | 12 577 | 20 250 | ||
16 | Амма | Амма | 14 | 201 | 29 421 | 15 922 | ||
17 | Таатта | Ытык Күөл | 14 | 256 | 18 984 | 15 458 | ||
18 | Томпо | Хаандыга | 2 | 7 | 449 | 135 844 | 14 315 | |
19 | Кэбээйи | Сангаар | 1 | 12 | 334 | 107 789 | 13 103 | |
20 | Өймөкөөн | Уус-Ньара | 5 | 5 | 1040 | 92 255 | 11 863 | |
21 | Үөһээ Дьааҥы | Баатаҕай | 1 | 2 | 14 | 1400 | 137 428 | 11 765 |
22 | Горнай | Бэрдьигэстээх | 9 | 184 | 45 624 | 11 206 | ||
23 | Уус-Маайа | Уус-Маайа | 8 | 5 | 382 | 95 325 | 9182 | |
24 | Булуҥ | Тиксии | 1 | 8 | 1694 | 223 583 | 9366 | |
25 | Усуйаана | Депутатскай | 3 | 7 | 2068 | 120 278 | 8262 | |
26 | Орто Халыма | Орто Халыма | 1 | 9 | 2664 | 125 161 | 7774 | |
27 | Анаабыр | Сааскылаах | 3 | 2621 | 55 558 | 3682 | ||
28 | Аллараа Халыма | Черскэй | 1 | 3 | 3189 | 87 118 | 4879 | |
29 | Үөһээ Халыма | Зырянка | 1 | 5 | 2440 | 67 774 | 4712 | |
30 | Муома | Хонуу | 6 | 2000 | 104 627 | 4383 | ||
31 | Абый | Үрүҥ Хайа | 1 | 5 | 2900 | 69 435 | 4112 | |
32 | Эдьигээн | Эдьигээн | 4 | 754 | 140 222 | 4047 | ||
33 | Өлөөн | Өлөөн | 4 | 2026 | 317 976 | 4026 | ||
34 | Аллайыаха | Чокуурдаах | 1 | 5 | 2700 | 107 338 | 2904 | |
35 | Эбээн-Бытантай | Баатаҕай Алыыта | 3 | 1687 | 52 298 | 2811 | ||
Барыта | 13 | 48 | 366 | 3 083 523 | 949 347 |
Олохтоох дьонун ахсаана
Саха Сиригэр 949,3 тыһ. киһи олорор (2010). Куорат олохтоохторун удельнай ыйааһына: 65,5 % (2010), олорор чиҥэ: 0,3 киһ./км² (2005). Онон Саха Сирин олохтоохторугар ортотунан Россия Федерациятыгар саамай элбэх сир тиксэр.
Урбанизация
Олохтоохтортон 65,54 % куоракка олороллор, оттон 34,46 %, тыаҕа. Улахан куораттара: Дьокуускай (267,9 тыh.), Нүөрүҥгүрү (62,3 тыh.), Мирнэй (36,0 тыh.), Ленскэй (24,4 тыh.) уонна Алдан (23,4 тыh.).
7 тыһыынчаттан тахса олохтоох нэһилиэнньэлээх пууннар 2010 сыл тохсунньу 1 күнүн туругунан | ||||||||||||||||||||||||||||||||||||||
|
Экономика
Уопсай региональнай бородуукта 2019 сыллаахха 1,1 трлн. солк этэ. Киһиэхэ аахтахха Россия субъектарыттан сэттис миэстэ этэ (хас киһи аайы 1,13 млн. солк) . Структуратынан көрдөххө 45,2% промышленность, атыы-эргиэн өттүгэр 9,3%, тутууга 8,1%, сибээс 5,6% уонна тыа хаһаайыстыбатыгар 3,9% ылар эбит, атын эйгэлэргэ 28,5% ааҕыллар эбит Саха Сирин экономикатын кылгас характеристиката (нуучч.).
Үлэтэ суох дьон ахсаана 2045 сыллаахха 10% эбит, ол эбэтэр 46,6 тыһ. үлэлиир кыахтаах дьон иллэҥ сылдьыбыттар. Саха Сирэ Россия регионнарын тэҥнээтэххэ 74 миэстэни ылан олорбут (Уровень безработицы в России).
Энергетика
Транспорт
Транспорт суолтата Саха Сиригэр улахан. Билигин туһаныллаллар уу, аутомобил (бастатан туран Амур-Якутскай магистраль) уонна салгын транспора. 2004 с. Дьокуускайы уонна Ниэрүҥгрины ситимниир тимир суол линията тутуллан эрэр. Аллараа Бэстээххэ дылы тимир суол учаастага өссө да тутулла турар (официальнайдык 2011 сыл балаҕан ыйыгар аһыллыбыта), үлэ ноҕурууската саҕалана илик. Билигин Өлүөнэ өрүс нөҥүө массыына суолун кытта дьүөрэлэспит муоста тутуллуутун, ону тэҥэ тимир суолу салҕыы Муомаҕа, Магадаҥҥа дылы тутуутун боппуруостара быһаарылла тураллар. Саха Сирин соҕуруулуу-илин өттүгэр Эльгинскай чох хостуур сирин БАМы кытта холбуур Улак-Эльга тупик тимир суола тутуллан бүтэн эрэр.
Өҥө оҥорор сфера
Саха Сиригэр туризмы сайыннара сатыыллар. Өссө ааспыт үйэ 70-с сылларыттан омуктары Өлүөнэ өрүс устун уһуннаран, манна кэлэргэ угуйа сатыыллар. Билиҥҥи туругунан Өлүөнэ остуолбалара баар сиригэр национальнай эркээйи сир диэн ааттанар паарка баар. Онно кэлин элбэх киһи сылдьар буолла. Сорох фирмалар бултааһыны тэрийэр хайаларга чубукуну эҥин бултаталлар.
Индустрия
Саха Сирин индустрията сүрүннээн сир баайын хостооһун. Саха Сиригэр дойду биир улахан Элкэннээҕи уранус сытар сирэ баар, бигэргэтиллибит ыйааһына 344 тыһ. тонна.
Индустрия сүрүн хайысхалара:
- Өҥнөөх металлургия, сүрүннээн алмаас уонна кыһыл көмүс (Арассыыйаҕа хостонор алмаас 90% уонна кыһыл көмүс 24%). АЛРОСА акционернай хампаанньа — аан дойдуга биир улахан алмаас хостооччунан биллэр; аан дойдуга алмаас атыытынан иккис миэстэҕэ турар.
- Таас чоҕу хостуур индустрия.
- Тутууга сыһыаннаах матырыйааллары оҥоруу.
- Маһы таҥыыр индустрия.
- Массыына өрөмүөнэ.
- Таҥас уонна ас индустрията.
Тыа хаһаайыстабата
- Күндү түүлээҕи иитии — кииһи, хара саһылы, кырсаны үксүн иитэллэр.
- Эт-үүт — сахалар былыр былыргыттан ынах сүөһүнү уонна сылгыны иитэллэр.
- Оҕуруот аһа — бу үксүн XX үйэҕэ үөдүйбүт көрүҥ буолар. Өрөбөлүүссүйэ да иннинэ холобур Хатаска арбуз үүннэрэн сииллэрин туһунан архыыпка дөкүмүөннэр бааллар.
- Таба, сылгы иитиитэ.
- Куораттарга (Дьокуускай, Нүөрүҥгүрү, Мирнэй, Ньурба) көтөр уонна чооску фермалара бааллар.
Культуура
Саха Сиригэр хаһыаттар бэчээттэнэллэр: «Якутия», «Саха Сирэ», «Якутск вечерний», «Наше время», «Кыым» ону тэҥэ сурунааллар — «Чолбон», «Полярная Звезда» уонна 34 улуус хаһыаттара.
Дьокуускай куоратыгар Нуучча драматическай театра, Саха академическай театра, Опера уонна Балет театра. Куоракка уонна өссө Национальнай художественнай музей, Хоту норуоттар историятын уонна культуратын түмэлэ, Сахацирк, уонна аан дойдуга соҕотох Аан дойду норуоттарын хомус түмэлэ баар.
Саха Сирин биллиилээх дьоно
Төрөөбүттэр
- Дмитриев Роман Михайлович (1949—2010) — тустуук, 1972 с. Олимп оонньууларын чемпиона, 1976 с. Монреальга буолбут Олимп оонньууларын үрүҥ көмүс призёра, Аан дойду уонна европа чемпиона, ССРС алта төгүллээх чемпиона.
- Кулачиков Серафим Романович (1904—1976) — поэт, тылбаасчыт.
- Кульбертинов Иван Николаевич (1917—1993) — Аҕа дойду Улуу сэриитин кыттыылааҕа, биллиилээх бэргэн ытааччы.
- Ларионов Владимир Петрович (1938—2004) — биллиилээх учуонай, РАН академига.
- Николаев Михаил Ефимович (1937) — Саха Өрөспүүбүлүкэтин бастакы президенэ.
- Охлопков Фёдор Матвеевич (1908—1968) — участник Второй Мировой Войны, снайпер 234-го стрелкового полка (уничтожил 429 фашистов из снайперской винтовки и более 1000 пулеметным огнем), Герой Советского Союза.
- Тыгын Дархан (?—1632) — Өлүөнэ өрүс орто сүүрээнигэр уонна Бүлүүгэ бэйэтин былааһын тарҕаппыт, XVI—XVII үйэлэр быыстарыгар олоро сылдьыбыт сахалар баһылыктара.
- Ходулов Дмитрий Федорович (1912—1977) — ССРС норуодунай худуоһунньуга.
- Чусовской Николай Николаевич (1910—1977) — Сэбиэскэй Сойуус Геройа.
Сигэлэр
- Саха Республикатын официаллык сервера
- Первый республиканский информационно-аналитический портал SakhaNews.ru
- Республика портала
- Ископаемые насекомые с территории Якутии
- Республика Саха (Якутия). Справочник административно-территориального деления на 1.01.2005 г. — каталог
- ↑ http://www.gks.ru/free_doc/new_site/population/demo/Popul2017.xls
- ↑ Информационные материалы о предварительных итогах Всероссийской переписи населения 2010 года
- ↑ Демоскоп Weekly — Приложение. Справочник статистических показателей
- ↑ Демоскоп Weekly — Приложение. Справочник статистических показателей
- ↑ Демоскоп Weekly — Приложение. Справочник статистических показателей
- ↑ Демоскоп Weekly — Приложение. Справочник статистических показателей
- ↑ Демоскоп Weekly — Приложение. Справочник статистических показателей
- ↑ Демоскоп Weekly — Приложение. Справочник статистических показателей
- ↑ Информационные материалы об окончательных итогах Всероссийской переписи населения 2010 года