Роберт Кох
Ге́нрих Ге́рман Ро́берт Кох (ниэм. Heinrich Hermann Robert Koch; ахсынньы 11 1843, Клаусталь-Целлерфельд — ыам йын 27 1910, Баден-Баден) — ниэмэс микробиолога. Сотуун өлүү бациллатын, холера вибрионун уонна сэллик палочкатын арыйбыт. Сэллик ыарыыны чинчийиитин иһин Физиологияҕа уонна медицинаҕа Нобель бириэмийэтин 1905 сыллаахха ылбыта.
Олоҕун олуктара
Роберт Кох ахсынньы 11 күнүгэр 1843 сыллаахха Клаусталь-Целлерфельд диэн сиргэ, Герман уонна Матильда Генриетта Кохтар дьиэ кэргэннэригэр төрөөбүтэ. 13 оҕоттон үһүс эбит. Аҕата — горнай инженер Герман Кох, шахта салалтатыгар үлэлиир эбит. Ийэтэ, Юлиана Матильда Генриетта Кох, төрөөбүтүнэн Бивенд — үрдүк сололоох Генрих Андреас Бивенд диэн Ганновер королевствотын кылаабынай инспекторын кыыһа. Бу киһи (эһэтэ) сиэнигэр чинчийээччи талаана баарын көрөн айылҕаны билэргэ, көрөргө-истэргэ үөрэппит.