Shriya Saran
Shriya Saran Bhatnagar (uitgespreek [ʃrɪja səɾən] gebore 11 September 1982) is 'n Indiese aktrise wat in Tamil Nadu bekend staan as Kaama Maharani. Sy vertolk haar filmrolle hoofsaaklik in Telugu, Tamil en Hindi. Alhoewel Shriya daarna gestreef het om 'n danseres te word, het sy haar rolprentdebuut as aktrise gemaak met die Telugu-film Ishtam (2001). Saran het haar eerste kommersiële sukses met Santosham (2002) behaal.[1]
| Shriya Saran | |
| |
Shriya Saran (2019)
| |
| Geboortenaam | Shriya Saran Bhatnagar |
|---|---|
| Geboorte | 11 September 1982 Haridwar, Uttarakhand, Indië |
| Nasionaliteit |  Indië
|
| Lewensmaat | Andrei Koscheev (trou 2018) |
| Beroep(e) | Aktrise, danseres |
Loopbaan
wysigShriya het daarna in verskeie suksesvolle Telugu-rolprente verskyn, soos Nenunnanu (2004) en Chatrapathi (2005), saam met Hindi- en Tamil-films. Nadat sy haar Hindidebuut met Tujhe Meri Kasam (2003) gemaak het, het sy goeie kritiek ontvang vir haar rol in Awarapan (2007). Saran het haar Tamildebuut gemaak in Enakku 20 Unakku 18 (2003) en verskyn in Sivaji (2007), die Tamilfilm met die hoogste inkomste op daardie stadium. Ná die film het sy haar bynaam deur Tamil-aanhangers gekry as Kaama Maharani.
In 2008 het Saran die hoofrol in haar eerste Engelse rolprent, The Other End of the Line, vertolk. Haar volgende projekte het gewilde rolprente soos Kanthaswamy (2009) in Tamil en Pokkiri Raja (2010) in Malayalam ingesluit — rolle wat haar as een van die voorste aktrises in die Suid-Indiese filmbedryf gevestig het.[2] In 2012 het Saran in Midnight's Children gespeel, 'n Engelse verwerking van die gelyknamige roman, waarvoor sy internasionale kritiek ontvang het.
Saran het verdere kommersiële sukses behaal deur in rolprente soos Pavitra (2013) en Chandra (2013) te speel. In 2014 het Saran die hoofrol gespeel in die krities bekroonde Telugu-film Manam, wat haar lof besing het vir haar vertoning. Saran was sedertdien deel van kritiese en kommersiële suksesse soos Drishyam (2015), Gautamiputra Satakarni (2017), RRR en Drishyam 2, albei saam met Ajay Devgn (2022).
Sukses en onlangse werk
wysigVroeg in 2013 het Saran in 'n itemnommer in die film Zila Ghaziabad verskyn. Dit was haar eerste itemnommer in 'n Hindi-rolprent. Op 7 Junie is Saran se Pavitra vrygestel, waarin sy die rol van 'n prostituut gespeel het.[3] Op ’n perskonferensie in Hyderabad het sy gesê dat die film vir haar baie spesiaal is, en dat sy geraak is deur die sensitiwiteit wat die regisseur/skrywer Janardhana Maharshi aan die onderwerp gegee het. Haar tweetalige film Chandra, geregisseer deur Roopa Iyer, is gelyktydig in Kannada- en Tamil- tale verfilm. Sy het die rol van 'n prinses in die film vertolk teenoor die Kannada-akteur Prem Kumar.[4] Die film is op 27 Junie 2013 in Kannada vrygestel en op 14 Februarie 2014 in Tamil, en het matige sukses by die Kannada-loket behaal. Die film het Saran se terugkeer na meer as vyf jaar na die Tamil-teater gevier.[5]
Verwysings
wysig- ↑ "Shriya Saran to raise funds for Covid-19 cause". 3 Mei 2020.
- ↑ "Sizzling Shriya's Life in Pics". NDTV. Geargiveer vanaf die oorspronklike op 19 Junie 2011. Besoek op 11 Julie 2011.
- ↑ "First Look: She will be enacting the title role as a sex worker in the film Shriya as sex worker in Pavithra". The Times of India. 5 Januarie 2013. Geargiveer vanaf die oorspronklike op 3 Desember 2013. Besoek op 5 Januarie 2013.
- ↑ Sunayana Suresh (Times News Network) (11 Mei 2012). "Shriya to make a comeback in south film". The Times of India. Geargiveer vanaf die oorspronklike op 3 Desember 2013. Besoek op 7 November 2012.
- ↑ "Valentine Day release for Tamil version of Chandra". The Times of India. 3 Februarie 2014. Geargiveer vanaf die oorspronklike op 3 Februarie 2014. Besoek op 3 Februarie 2014.