Ligüé
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Ligüé ye un lugar despoblau d'o municipio de Candarenas, situau en a comarca de l'Alto Galligo (Uesca).
Ligüé | |
Despoblau medieval d'Aragón | |
Entidat • País • Provincia • Comarca • Municipio |
Despoblau medieval Alto Galligo Candarenas |
Partiu chudicial | Chaca |
Población • Total |
0 hab. |
Altaria • Meyana |
700 m. |
Parroquial • Diocesi • Arcipestrau |
Chaca Samianigo |
Coordenadas | |
En o puesto a on yera o lugar encara bi ha parez de dica 2 metros d'altaria y bels metros de largaria perteneixients a os antigos edificios.
Toponimia
editarL'orichen d'iste toponimo sería un antroponimo latino con o sufixo prerromano de posesión -ué.[1]
Historia
editarComo atros lugars d'a redolada recibió vesitas de chents de Uesca que replegaban diners pa las obras d'a seu de Santa María. En a primera vesita, o 24 de chunio de 1338, yera rector don Miguel y testigos "Domingo de Lihue y don Pedro Malacastro". En a segunda, o 29 d'agosto de 1405, bosoron doce sueldos.
Se sabe que en o sieglo XIV teneba o títol eclesiastico de rectoría.
Leyendas
editarBi ha una leyenda relacionada con iste lugar que diz que bi heba un gran caixico dica primerías d'o sieglo XX. Como l'árbol yera muit gran o duenyo d'o terreno lo vendió a un atra persona pa que lo tallase y podese aproveitar a suya fusta. Cuan chito ta o fuego un tizón d'a lenya de l'árbol i salió por sospresa un churro d'oro fundiu. Asinas ye como descubrió que o tronco yera vueito y adintro teneba un tresoro amagau.
Referencias
editar- ↑ (es) Geografía medieval de Serrablo. José Miguel Navarro López. Colección «A Lazena de yaya», 15. ISBN 84-8127-104-7
Lugars desapareixius d'o municipio de Candarenas | |
---|---|
Angüé | Ascany | Grusuet | Ligüé | Linastrué | Medianeta | Viscasiellas |