Diferencia entre revisiones de «Visigodos»
m clean up, replaced: o idioma → l'idioma |
m clean up, replaced: lo imperio → l'imperio, o Imperio → l'Imperio |
||
Linia 12: | Linia 12: | ||
Los ostrogodos y visigodos fuoron derrotaus por los [[hunnos]]. Mientres que la mayor part d'os ostrogodos prenioron a decisión de sozmeter-sen a los hunnos, los visigodos y part d'os ostrogodos prefirioron travesar lo Danubio y emigrar ta lo [[Imperio Román d'Orient]]. |
Los ostrogodos y visigodos fuoron derrotaus por los [[hunnos]]. Mientres que la mayor part d'os ostrogodos prenioron a decisión de sozmeter-sen a los hunnos, los visigodos y part d'os ostrogodos prefirioron travesar lo Danubio y emigrar ta lo [[Imperio Román d'Orient]]. |
||
== Penetración d'os visigodos en |
== Penetración d'os visigodos en l'Imperio Román == |
||
Los visigodos permaneixioron en [[Dacia]] dica l'anyo [[376]], quan [[Fritigern]] demandó a lo emperador [[Valent]] que permitise a los visigodos d'asentar-sen en a ribera sud d'o [[Danubio]]. Los visigodos s'asentoron en a [[diocesis romanas|diocesi]] de [[Diocesi de Tracia|Tracia]],<ref>{{es}} [[María Victoria Escribano Paño]]: ''Los godos en Aragón''. CAI 100.</ref> principalment en [[Moesia]]. Manimenos las condicions no yeran las que los visigodos esperaban y se rebeloron. Los romans fuoron derrotaus en l'anyo [[378]] en a [[batalla d'Andrianoplin]], a on o mesmo emperador Valent murió. |
Los visigodos permaneixioron en [[Dacia]] dica l'anyo [[376]], quan [[Fritigern]] demandó a lo emperador [[Valent]] que permitise a los visigodos d'asentar-sen en a ribera sud d'o [[Danubio]]. Los visigodos s'asentoron en a [[diocesis romanas|diocesi]] de [[Diocesi de Tracia|Tracia]],<ref>{{es}} [[María Victoria Escribano Paño]]: ''Los godos en Aragón''. CAI 100.</ref> principalment en [[Moesia]]. Manimenos las condicions no yeran las que los visigodos esperaban y se rebeloron. Los romans fuoron derrotaus en l'anyo [[378]] en a [[batalla d'Andrianoplin]], a on o mesmo emperador Valent murió. |
||
Linia 20: | Linia 20: | ||
== Los visigodos como aliaus d'os romans en Galia (418-476) == |
== Los visigodos como aliaus d'os romans en Galia (418-476) == |
||
Los romans los ninvían ta Hispania pa reconquerir-la. En Hispania empentan a los [[suevos]] enta la [[Gallaecia]], los [[vandalos]] son en gran mesura destruitos, y los [[alans]] tamien son vencius. En compensación los romans lis conceden [[Aquitania]] en l'anyo [[417]], en pagas que lo suyo exercito se comprometa a defender a |
Los romans los ninvían ta Hispania pa reconquerir-la. En Hispania empentan a los [[suevos]] enta la [[Gallaecia]], los [[vandalos]] son en gran mesura destruitos, y los [[alans]] tamien son vencius. En compensación los romans lis conceden [[Aquitania]] en l'anyo [[417]], en pagas que lo suyo exercito se comprometa a defender a l'imperio d'atros invasors y que lo rei visigodo gobierne como lugartenient imperial. Lo ''foedus'' de l'anyo 418 permite que los visigodos s'estableixcan en rechimen d' ''hospitalitas'' en [[Aquitania II]], en a [[Novempopulania]] y en [[Narbonés I]], que comprendeba [[Burdeus]], [[Piteus]] y [[Tolosa]], que esdevinió lur capital. Se suposa que en ixos territorios s'establioron bells 100.000 visigodos, numero que creixió en tot o sieglo V dica os 200.000 con a plegada d'atros continchents chermanicos asimilables (como los ostrogodos).<ref>{{es}} ''Visigodos''. Articlo sobre os visigodos en a [[Enciclopedia Larousse]].</ref> En Aquitania los visigodos reciben dos tercios d'a tierra en calidat de biens radices libres d'impuestos (las ditas ''sortes goticas'') |
||
Quan la invasión hunna de Galia de l'anyo [[451]] los visigodos contribuyen a la victoria d'o cheneral [[Aecio]] en a [[batalla d'os Campos Catalaunicos]]. Diz que quasi estió una batalla entre visigodos de part d'os romans y ostrogodos de part d'os [[hunnos]]. En a "[[Cronica de los Conquiridors]]" de [[Chuan Ferrández d'Heredia]] fan referencia a los visigodos federaus y establius en Tolosa en o capítol dedicau a [[Atila]]. |
Quan la invasión hunna de Galia de l'anyo [[451]] los visigodos contribuyen a la victoria d'o cheneral [[Aecio]] en a [[batalla d'os Campos Catalaunicos]]. Diz que quasi estió una batalla entre visigodos de part d'os romans y ostrogodos de part d'os [[hunnos]]. En a "[[Cronica de los Conquiridors]]" de [[Chuan Ferrández d'Heredia]] fan referencia a los visigodos federaus y establius en Tolosa en o capítol dedicau a [[Atila]]. |
Versión d'o 12:03 7 ago 2022
Los visigodos estioron un pueblo chermanico. Son la branca occidental d'os godos y ocupaban antes d'a invasión hunna un territorio que correspondeba d'alto u baixo a l'antiga Dacia. En os tiempos d'as primeras invasions d'o Imperio Román los visigodos emigroron ta Europa Occidental, a on que facioron liga con lo Imperio Román d'Occident contra atros pueblos chermanicos invasors y contra los hunnos. Los visigodos aduyoron a los romans a forachitar a los vandalos y alans d'Hispania y a vencer a Atila en a batalla d'os Campos Catalaunicos. Los visigodos formoron un primer estau en o sud d'a Galia con capital en Tolosa y dimpués en fuoron forachitaus ta Hispania y formoron un estau visigodo con capital en Toledo que duró dica la invasión musulmana. Dimpués d'a invasión musulmana bell visigodo podió conseguir alianzas u pactos con los musulmans y controlar d'esta traza localment los suyos territorios, como estió lo caso d'o conte Casio, lo fundador d'a dinastía Banu Qasi. Con lo tiempo s'asimiloron a la clase dirichent musulmana u emigroron enta la Gallaecia u Cantabria. Los visigodos estioron arrians més tiempo que atros pueblos chermanicos.
Los visigodos en Dacia
Los godos yeran orichinarios d'o sud d'Escandinavia, tierra que encara se diz Gotland. Dende lo suyo puesto d'orichen emigroron ta Europa centro-oriental arribando en as costas d'a Mar Negra, ocupabando una ampla zona que d'antes estió d'os sarmatas y dacos. En ixos amplos territorios los godos y los pueblos sozmesos desembolicoron lo que los arqueologos denominan la Cultura de Czerniachow, una cultura que teneba contacto con lo Imperio Román. Los godos presionaban a los romans en a Dacia romana, y encara que lo emperador Aurelián derrotó a los godos en l'anyo 271, prenió a decisión d'abandonar esta provincia, feito que se fació entre los anyos 271 y 272. Los godos podioron ocupar ya tota Dacia. Encara ye polemico si a mayoría d'os daco-romans fuoron evacuaus u a mayoría se i quedoron.
D'esta traza en o extenso territorio gobernau por los godos s'encomenzó a parlar de godos de l'este (ostrogodos) y godos de l'ueste (visigodos), d'alto u baixo con o río Dniéster como deseparación. Entre los restos arqueolochicos atribuitos a los visigodos en o periodo que vivioron a lo norte d'o Danubio en Dacia tenemos o "Trasoro de Pietroasele",[1] trobau en Pietroasele (Buzău) en l'anyo 1837 y atribuito a lo rei Athanarico. N'este periodo los visigodos se convirtioron a lo cristianismo en a suya modalidat arriana. Lo bispe Ulfilas tradució la Biblia a lo idioma gotico.
La presión goda en Dacia empentó ta Panonia a los carpos (dacos que feban parte d'os dacos libres que podrían haber orichinau sieglos dimpués a los albaneses).
Los ostrogodos y visigodos fuoron derrotaus por los hunnos. Mientres que la mayor part d'os ostrogodos prenioron a decisión de sozmeter-sen a los hunnos, los visigodos y part d'os ostrogodos prefirioron travesar lo Danubio y emigrar ta lo Imperio Román d'Orient.
Penetración d'os visigodos en l'Imperio Román
Los visigodos permaneixioron en Dacia dica l'anyo 376, quan Fritigern demandó a lo emperador Valent que permitise a los visigodos d'asentar-sen en a ribera sud d'o Danubio. Los visigodos s'asentoron en a diocesi de Tracia,[2] principalment en Moesia. Manimenos las condicions no yeran las que los visigodos esperaban y se rebeloron. Los romans fuoron derrotaus en l'anyo 378 en a batalla d'Andrianoplin, a on o mesmo emperador Valent murió.
En l'anyo 382 Teodosio I lis torna a conceder o dreito d'establir-sen en Tracia y Moesia.[3] Alarico I prene o títol de rei y encomienza unatra migración, esta vegada ta lo Epiro saqueyando territorios d'os Balcans y lo Peloponiso, (Macedonia, Tracia, Focida y Beocia y las ciudatz de Corinto, Esparta, Argos y Megara). A la fin Alarico I ye nombrau Magister Militum d'Iliria, pero dende Iliria los visigodos emigrarán ta Italia, a on que rematarán saqueyando Roma en l'anyo 410.
Dimpués d'o saqueyo de Roma emigran a lo sud d'Italia adrezando-se enta Africa pero lo rei Alarico I muere en Cosenza, y lo suyo sucesor Ataulfo adreza a lo suyo pueblo de nuevo a lo norte d'Italia, pasando a la Provenza y arribando en Barcelona en l'anyo 415. En l'anyo 416 firman un foedus con Roma en o que se compromenten a pacificar Hispania.
Los visigodos como aliaus d'os romans en Galia (418-476)
Los romans los ninvían ta Hispania pa reconquerir-la. En Hispania empentan a los suevos enta la Gallaecia, los vandalos son en gran mesura destruitos, y los alans tamien son vencius. En compensación los romans lis conceden Aquitania en l'anyo 417, en pagas que lo suyo exercito se comprometa a defender a l'imperio d'atros invasors y que lo rei visigodo gobierne como lugartenient imperial. Lo foedus de l'anyo 418 permite que los visigodos s'estableixcan en rechimen d' hospitalitas en Aquitania II, en a Novempopulania y en Narbonés I, que comprendeba Burdeus, Piteus y Tolosa, que esdevinió lur capital. Se suposa que en ixos territorios s'establioron bells 100.000 visigodos, numero que creixió en tot o sieglo V dica os 200.000 con a plegada d'atros continchents chermanicos asimilables (como los ostrogodos).[4] En Aquitania los visigodos reciben dos tercios d'a tierra en calidat de biens radices libres d'impuestos (las ditas sortes goticas)
Quan la invasión hunna de Galia de l'anyo 451 los visigodos contribuyen a la victoria d'o cheneral Aecio en a batalla d'os Campos Catalaunicos. Diz que quasi estió una batalla entre visigodos de part d'os romans y ostrogodos de part d'os hunnos. En a "Cronica de los Conquiridors" de Chuan Ferrández d'Heredia fan referencia a los visigodos federaus y establius en Tolosa en o capítol dedicau a Atila.
Lo Reino Visigodo de Tolosa (476-507)
A muerte d'o zaguer emperador román fa que lo rei Eurico se sienta independient se pueda chustificar como hereu d'o Imperio Román. Encomienza una expansión territorial, y los visigodos conquieren gran part d'Hispania.
Dimpués que los visigodos saqueyasen la Lusitanica, Eurico decidió adhibir a lo suyo reino a provincia Tarraconense y ninvió a lo conte Gauterico, qui dende Burdeus siguió la calzada romana y entró en Hispania por o puerto de Roncesvals. Dimpués prenió Pompaleo y baixó por a val d'Ebro y prenió Caesaraugusta. Dende ixe inte los hispano-romans d'a val d'Ebro serán dominaus por una clase dirichent guerrera visigoda que durará dica la invasión musulmana.
En l'anyo 507 lo rei franco Clodoveu I se convierte a lo catolicismo y con l'aduya d'os galo-romans y los bretons esclafa a los visigodos y los forachita a lo sur d'os Pirineus (encara que conserven Septimania).
Lo Reino Visigodo de Toledo (507-711)
A mayor part d'os visigodos s'estableixen en a Meseta. La mayor densidat de visigodos yera en l'actual provincia de Segovia. Toledo ye a capital d'os visigodos dende l'anyo 554. En o futuro los visigodos prebarán d'ocupar tota la peninsula iberica. Los visigodos esdevienen una clase dirichent melitar que evita mezclar-se con los hispano-romans. Los visigodos en Hispania se comportan como cristians integristas y persiguen las manifestacions de relichiosidat popular, que se remontan a la relichión romana y los elementos prerromans que asimiló. Lo rei se refirma en a Ilesia, convoca concilios y regula a vida relichiosa d'o reino.
En l'anyo 586 sozmeten a los suevos de Gallaecia. A zaguers d'o sieglo VI ya bi ha reis catolicos que obligan a lo resto d'os visigodos a convertir-se a lo catolicismo deixando l'arrianismo.
Se considera que con Suintila (621-631), qui venció a los bizantins y ocupó as ciudatz-estau hispano-romans d'o sud, s'unificó politicament a peninsula. En o sieglo VII s'introduce un dreito unico pa unificar l'aristocracia guerrera visigoda con l'aristocracia hispano-romana. D'astí enta debant l'idioma gotico encomienza a desapareixer.
Los visigodos dimpués d'a invasión musulmana
Bi habió visigodos que plegoron a alcuerdes con los musulmans como Teodomiro, que gobernó o sudeste (la Cora de Todmir) u en a redolada de Tudela, sud de Navarra y sud de Cinco Villas en Aragón lo conte Casio, qui estió fundador d'os Banu Qasi.
Los visigodos representaban pa la visión historica los hispans d'a Edat Meya una triple lechitimidat: politica (presuntos hereus d'os romans), relichiosa (los concilios visigodos, la fitación de Wamba, etc...) y territorial (antigos sobirans de tota la peninsula). Manimenos en a Corona d'Aragón y Navarra la clase dirichent no se consideraba heredera d'os visigodos en a mesma mesura que en o reino d'Asturias, reino de Leyón u reino de Castiella, a on que plegaban a imitar las institucions visigodas u tener a lechislación visigoda como bella cosa més present. En a Corona d'Aragón y Navarra teneban tamién como referents historicos los territorios ultrapirinencos y l'antiguedat clasica (como contrimuestra a figura de Chuan Ferrández d'Heredia).
Se fa mención d'os visigodos en o "Liber Regum", en a "Cronica de Sant Chuan d'a Penya" y en a obra de Chuan Ferrández d'Heredia, por eixemplo en a "Cronica de los Conquiridors"
En o "Liber Regum" lis dicen simplament godos:
En a "Cronica de Sant Chuan d'a Penya" parlan en cheneral de godos en o capítol III sin especificar, de fueras d'a primera linia, a on que enumeran qualques pueblos chermanicos distinguindo entre visigodos y ostrogodos:
Referencias
- ↑ (fr) Alexandru Odobescu: Le Trésor de Pétrossa. Étude sur l'orfèvrerie antique’’, Tome deuxième, Éditions J. Rothschchild, Paris, 1889
- ↑ (es) María Victoria Escribano Paño: Los godos en Aragón. CAI 100.
- ↑ (es) Hermann Kinder y Werner Hilgemann: Atlas histórico mundial. Ediciones Itsmo.
- ↑ (es) Visigodos. Articlo sobre os visigodos en a Enciclopedia Larousse.
Bibliografía
- (es) José-Ramón Julià et al.: Alas de historia universal. Tomo I De los orígenes a las crisis del siglo XVII. Editorial Planeta.
- (es) Hermann Kinder y Werner Hilgemann: Atlas histórico mundial. Ediciones Itsmo.
- (es) Francisco Beltrán Lloris: Los germanos. Historias del Viejo Mundo, num. 15. Historia 16.
- (es) María Victoria Escribano Paño: Los godos en Aragón. CAI 100.