Inductor
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un inductor ye un component electronico pasivo d'os circuitos electricos que, debito a lo fenomeno de l'autoinducción, almadacena enerchía en forma de campo magnetico creyato por o paso d'a corrient electrica. Iste component tamién gosa decir-se bobina u inductancia. A capacidat d'un inductor d'almadacenar enerchía se mide por a suya inductancia que s'exprisa en henrys (simbolizato por H), una unidat derivata d'o Sistema Internacional d'unidaz.
En a teoría de circuitos un inductor ideyal tenerba inductancia pero no pas resistencia ni tampoco no capacitancia, por ixo no disiparba enerchía. En iste component ideyal tota la enerchía electrica absorbita sería almadacenata en forma de campo magnetico. Pero os inductors reals, que son fabricatos con un arrulamiento de filo conductor, son equivalents a una combinación d'inductancia, bella resistencia debita a la resistividat d'o filo, y bella capacitancia. En bella frecuencia, un inductor real se comporta como un circuito resonant debito a la capacitancia parasita. A mas de disipar enerchía por a resistencia electrica d'o filo conductor, o nuclio d'os inductors tamién la pueden disipar debito a la histeresi y con grans corrients tamién se pueden producir perdas d'enerchía a causa d'a no linialidat d'os circuitos.
Construcción
[editar | modificar o codigo]Un inductor ye formato normalment por una bobina de material conductor, tipicament cordón de cobre. Bi ha inductors con nuclio d'aire u con nuclio d'un material ferroso, ta incrementar a suya inductancia. As bobinas tipicas son formatas por espiras, feitas de filo esmaltato, y gosan embolicar un nuclio de material ferromagnetico. En os motors electricos son mesas adintro d'as ranuras.
Os inductors pueden estar tamién construitos en circuitos integratos, usando lo mesmo proceso emplegato ta realizar microprocesadors. En istos casos s'emplega, a sobén, l'aluminio como material conductor. Manimenos, ye raro que se metan inductors adintro d'os circuitos integratos; ye muito mas practico emplegar un circuito dito "chirador" que, por meyo d'un amplificador operacional, fa que un condensador se comporte com si fuese un inductor.
A vegatas se pueden construir chicoz inductors ta frecuencias muit altas con un conductor que pase a traviés d'un cilindro de ferrita u granulato.
O inductor en os circuitos electricos
[editar | modificar o codigo]Os inductors s'oposan en os cambios a la corrient electrica, un inductor ideyal no oposarba denguna resistencia a una corrient contina constante, manimenos nomás os inductors superconductors tenerban en realidat una resistencia nula.
En cheneral, a relación entre a variación d'o voltache en o tiempo v(t) a traviés d'un inductor con una inductancia L y una variación d'a corrient que i pasa a lo largo d'o tiempo i(t) se describe por meyo d'una ecuación diferencial:
a on que v ye o voltache,di(t)/dt ye a derivata d'a corrient e L ye a inductancia en henrys.
As bobinas en as maquinas electricas puede ir tanto en o rotor como en o estator y conforman o circuito electrico d'a maquina. Seguntes como se quiera que treballe o motor, as bobinas se pueden posar de dos maneras: En o polos (salita con salita, dentrata con dentrata, salita con salita…) u en os polos consecuents (salita con dentrata, salita con dentrata, salita con dentrata…). Tamién se pueden meter en series paralelas en as que cal mantener as espiras connectatas a lo rete electrico.
Vinclos externos
[editar | modificar o codigo]Se veigan as imáchens de Commons sobre os Inductors.