زعزع

زعزع
معلومات عامة
نوع د لماكلة	عصير د لفاكية، شراب و سموذي
لبلاد لأصلية	لمغريب

زعزع هو عصير مشهور فلمغريب و بضبط مدينة تطوان، وهوا مخلط مع بزاف د لمكونات من عصير لاڤوكا، و لفريز، مخلط مع لكراميل، و لبانان، و تفاح، و تايتزين بفواكه موسمية ولا لوز و العسل، هير هوا عصير زعزع تاع تطوان ماتايعرفش هير وصفة وحدة فا كلا واحد كي تايصاوبو.

لمقادير ديالو

مكونات ديال زعزع

• حبة تاع لاڤوكا.
• إيترو تاع لبن.
• معيلقة كبيرة تاع سكار.
• كاس تاع زبيب.
• طرف د لبيسكوي ب شكلاط و لاكريم.
• بنانة مقطعة.
• تفاحة مقطعة.
• برقوقة مقطعة.
• رشة تاع لكوك.
• رشة تاع لوز مجروش.
• رشة تاع ل كاجو مجروش.
• رشة تاع لبندق مجروش.
• رشة تاع عين جمل مجروش.
• لاصوص ت لفريز.
• لاصوص ت لكاراميل.
• كريم شانتي تاع تزيين.
• طرف تاع شكلاط.
• صبعان تاع شكلاط على حساب رغبة.

تحضير ديالو

تدار لمقادير فمونينيكس مع لبن و لاڤوكا و سكار و لبيسكوي و زبيب و لكوك و لكاجو و لبندق وللوز و عين جمل. -تايتقطع لبانان لطراف، و تايتحط لبانان و تفاح فكاس باش يتقدم.

-وتاتزاد عليه لاصوص تاع لفريز و لاصوص تاع لكراميل فلكاس.

-وتاتخوا لاڤوكا و تايتزين لوجه بلورد د لكريم شانتي وصبعان شكلاط و نواع شكلاط لمختالفا، على حساب رغبة و لبسكويت تاع شكلاط بلاكريم و لبنان و لمكسرات و لكوك ولاصوص د لكراميل على لوجه، وتايتحط شاليموه واسع و معيلقة باش يتكال لعصير.