Organización Internacional de la Francofonía
Organización Internacional de la Francofonía | |
---|---|
organismu internacional | |
| |
| |
Llocalización | |
Sede | París |
Direición | Francia |
Coordenaes | 48°52′N 2°18′E / 48.86°N 2.3°E |
Historia | |
Fundación | 20 marzu 1970 |
Forma parte de |
ver
|
Web oficial | |
La Organización Internacional de la Francofonía (La Francophonie) ye una organización internacional qu'axunta a estaos que tienen na francofonía un elementu de xuntura cultural. La so sé central ta en París, y el so secretariu xeneral ye'l senegalés Abdou Diouf.
Foi fundada el 20 de marzu de 1970 en Niaméi (Níxer) pol enfotu que punxeron nello dellos xefes d'estáu de países africanos que tienen el francés como la so llingua oficial. Los que puxaron más por facela foron los presidentes Habib Burguiba (Tunicia), Norodom Sihanouk (Camboya), Hamani Diori (Níxer), Charles Hélou (El Líbanu) y Léopold Sédar Senghor (Senegal).
Anguaño ta formada por setenta países (56 miembros y 14 observadores) qu'agrupen a 870 millones d'habitantes. Namái doscientos d'ellos falan francés, pero eso nun ye un pilancu pal desarrollu de l'asociación, que se dedica a la promoción d'esa llingua pero tamién a la promoción de los valores humanistes venceyaos a ella al traviés de programes educativos, culturales o de difusión de los valores democráticos.
Tocántes a la so estructura, la organización tien representación permanente ante la Xunión Africana y la Comisión Económica de les Naciones Xuníes pa África (n'Adís Abeba), ante la Xunión Europea (en Bruxeles) y ante les Naciones Xuníes (en Nueva York y Xinebra). De les sos actividaes nos diferentes países encárguense trés oficines rexonales y dos antenes rexonales. Les primeres son: la del África occidental, que la so sé ta en Lomé (Togu); la del África central y l'Océanu Índicu, que tien la so sé en Libreville (Gabón); y la de la rexón Asia-Pacíficu, que tien la so sé en Ḥanói (Vietnam). Les antenes rexonales pa Europa y América tán, respeutivamente, en Bucarest (Rumanía) y Port-au-Prince (Haití).
Les llinies d'actuación de la organización márquense nes reuniones de xefes d'estáu y gobiernu que se celebren cada dos años y nes conferencies de ministros. Hai tamién un muérganu consultivu, l'Asamblea Parllamentaria de la Francofonía. El muérganu executivu ye la Comisión Permanente, dirixida pol Secretariu Xeneral, que dirixe cinco axencies internacionales con un presupuestu conxuntu de 230 millones d'euros:
- L'Axencia Intergubernamental de la Francofonía.
- L'Axencia Universitaria de la Francofonía.
- L'Asociación Internacional d'Alcaldes y Responsables de Metrópolis Francófones.
- La Universidá Senghor d'Alexandría (Exiptu).
- La cadena de televisión TV5 Monde.
Referencies
[editar | editar la fonte]Enllaces esternos
[editar | editar la fonte]- Páxina web oficial de la institución Archiváu 2010-07-24 en Wayback Machine
- Páxina web de la Université Senghor d'Alexandrie
- Cadena de televisión TV5 Monde
Organización Internacional de la Francofonía (OIF) | ||
Albania | Andorra | Armenia | Bélxica | Benín | Bulgaria | Burkina Fasu | Burundi | Cabu Verde | Camboya | Camerún | Canadá | Québec (Canadá) | Nueva Brunswick (Canadá) | República Centroafricana | Chad | Comores | El Congu | República Democrática d'El Congu | Costa de Marfil | Dominica | Exiptu | Francia | Gabón | Ghana | Grecia | Guinea | Guinea-Bisáu | Guinea Ecuatorial | Haití | Laos | El Líbanu | Luxemburgu | Macedonia del Norte | Madagascar | Malí | Marruecos | Mauriciu | Mauritania | Moldavia | Mónaco | Níxer | Ruanda | Rumanía | Saint Lucia | Santu Tomé y Príncipe | Seixeles | Senegal | Suiza | Togu | Tunicia | Vanuatu | Vietnam | Xibuti | Xipre
Países observadores: Austria | Chequia | Croacia | Eslovaquia | Eslovenia | Xeorxa | Hungría | Letonia | Lituania | Mozambique | Polonia | Serbia | Tailandia | Ucraína |