Ғатауллин Ғәли Шәйслам улы

Ғатауллин Ғәли Шәйслам улы
	Ғатауллин Ғәли Шәйслам улы
Зат	ир-ат
Тыуған көнө	1948
Тыуған урыны	Бүздәк районы, Башҡорт АССР-ы, РСФСР, СССР
Һөнәр төрө	яҙыусы

Баҫтырыу өлгөһө башҡа эшләмәй һәм эшкәртеү хаталары булыуы мөмкин. Браузерҙың һаҡланмаларын яңыртығыҙ һәм уның урынына браузерҙың программа көйләгән баҫтырыу функцияһын ҡулланығыҙ.

Википедияла Ғатауллин фамилиялы башҡа кешеләр тураһында мәҡәләләр бар.

Ғатауллин Ғәли Шәйслам улы (1948 йылдың 6 июле, Башҡорт АССР-ының Бүздәк районы Таулар ауылы) — башҡорт яҙыусыһы.

Биографияһы

Ғәли Шәйслам улы Ғатауллин 1948 йылдың 6 июлендә Башҡорт АССР-ының Бүздәк районы Таулар ауылында тыуған. Башҡорт дәүләт университетын тамамлаған.

Оҙаҡ йылдар уҡытыусы, мәктәп директоры булып эшләй.

Ижады

Ғәли Ғатауллин — башҡорт сатирик прозаһы өлкәһендә ижад итеүсе яҙыусы. Уның юморесса, хикәйә һәм повестары «Әйтәм сер итеп кенә», «Әсәйемдең өс йыры», «Мин әйтәйем һеҙгә» һ.б. исемле китаптарында донъя күрҙе.

Яҙыусы һуңғы йылдарҙа тыуған яҡ тарихына бәйле тарихи-популяр характерҙағы китаптар яҙыу менән шөғөлләнә. Уның «Бар бер ауыл», «Беҙ үҙебеҙ Тауларҙан» һәм «Туғандарҙың табылған сағы» китаптары шундай йүнлештә.

Китаптары

Әйтәм сер итеп кенә. Өфө, 1980 й.,
Әсәйемдең өс йыры. Өфө, 1989 й.,
Мин әйтәйем һеҙгә. Өфө, 1992 й.,
Бар бер ауыл. Өфө, 2010 й.,
Беҙ үҙебеҙ Тауларҙан. Өфө, 2011 й.,
Туғандарҙың табылған сағы. Өфө, 2012 й.

Сығанаҡтар

Писатели земли башкирской. Справочник./Сост. Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 148 с.