Maybach

Майбах (ням.: Maybach) — нямецкая кампанія, найбольш вядомая дзякуючы вытворчасці раскошных эксклюзіўных аўтамабіляў класа «люкс».

Гісторыя

Гісторыя маркі пачынаецца ў 1921 годзе, калі канструктар Вільгельм Майбах стварыў аўтамабіль Maybach W3 (свой першы аўтамабіль ён стварыў нашмат раней - у 1889 годзе), яго можна лічыць першым у гісторыі маркі. На гэтым Вільгельм Майбах не спыніўся, і наступнай мадэллю стала Maybach W5, якая выйшла ў 1926 годзе.

У 1929 годзе Вільгельм Майбах раптам захварэў і памёр. Справу працягнуў яго сын — Карл Майбах.

Пасля Другой сусветнай вайны вытворчасць аўтамабіляў была спынена.

У 1960 годзе кампанія была набыта канцэрнам Daimler-Benz.

Сучасны Майбах

Maybach 62

Упершыню канцэптуальная версія сучаснага «Майбаха» была прадстаўлена ў 1997 годзе на Мотаршоу ў Токіа, а ў пачатку 2000-х мадэль была запушчана ў серыйную вытворчасць у двух версіях — Maybach 57 і Maybach 62.

Падвойная назва аўтамабіля — Mercedes-Benz Maybach — склалася не выпадкова. Гэта і традыцыйная перавага «аўтамабіляў з трохканцовай зоркай», і даніна павагі генію аўтамабільнага дызайну Вільгельму Майбаху, які распрацаваў першыя аўтамабілі Daimler і чыё імя насіў самы шыкоўны лімузін Германіі 1930-х гадоў — легендарны Maybach.

Зараз Maybach існуе ў шасці варыянтах — стандартны Maybach 57 даўжынёй 5,72 м і падоўжаны да 6,16 м Maybach 62. Таксама ў гаму дадаліся варыянт «S» (2006 год), адкрыты Maybach 62 Landaulet (2007 год), а таксама самая дарагая і раскошная версія пад назвай Zeppelin (2009 год).

У лістападзе 2011 года кіраўніцтва Даймлер-Бэнц прыняло рашэнне аб згортванні ў 2013 годзе выпуску аўтамабіляў маркі Maybach.

Кошты

Кошты на аўтамабілі Майбах у 2009 годзе.

• Maybach 57 — $ 344,000
• Maybach 57 S — $ 381,000
• Maybach 62 — $ 394,000
• Maybach 62 S — $ 430,000
• Maybach Landaulet — € 900,000 ($ 1,350,000)
• Maybach 57 Zeppelin — € 406,000 ($ 580,000)
• Maybach 62 Zeppelin— € 473,200 ($ 677,000)

Спасылкі

• Афіцыйны сайт кампаніі