Віцебскі дзяржаўны медыцынскі ўніверсітэт
Віцебскі дзяржаўны ордэна Дружбы народаў медыцынскі ўніверсітэт (ВДМУ) | |
---|---|
| |
| |
Заснаваны | 1 лістапада 1934 года |
Тып | Дзяржаўны |
Рэктар | Аляксей Мікалаевіч Чуканаў |
Студэнты | ≈7000 |
Дактары | 56 |
Прафесары | 44 |
Краіна | |
Размяшчэнне |
|
Юрыдычны адрас | 210023, г. Віцебск, пр-т Фрунзэ, 27 |
Узнагароды | |
Сайт | vsmu.by |
Віцебскі дзяржаўны медыцынскі ўніверсітэт (ВДМУ) — вышэйшая медыцынская навучальная ўстанова у Віцебску. Размяшчаецца ў комплексе будынкаў па праспекце Фрунзэ. Ва ўніверсітэце функцыянуе 63 кафедры, дзе працуюць 56 дактароў і 227 кандыдатаў навук, з іх 44 прафесары і 171 дацэнт.
Факультэты
[правіць | правіць зыходнік]У складзе ўніверсітэта ў цяперашні час існуе 7 факультэтаў:
- Лячэбны факультэт
- Фармацэўтычны факультэт
- Стаматалагічны факультэт
- Факультэт падрыхтоўкі замежных грамадзян
- Факультэт прафарыентацыі і давузаўскай падрыхтоўкі
- Факультэт павышэння кваліфікацыі і перападрыхтоўкі кадраў па педагогіцы і псіхалогіі
- Факультэт павышэння кваліфікацыі і перападрыхтоўкі кадраў
- Народны факультэт «Захаванне здароўя»
Гісторыя
[правіць | правіць зыходнік]Створаны пад назвай Віцебскі дзяржаўны медыцынскі інстытут Пастановай Савета народных камісараў БССР ад 01.11.1934 года як бальніца-медыцынская ВНУ, на ўсіх курсах навучалася 250 чалавек.
Першым дырэктарам інстытута прызначаны доктар медыцынскіх навук, прафесар Майсей Анісімавіч Хазанаў, выпускнік медыцынскага факультэта Бернскага ўніверсітэта.
У 1938 годзе бальніца-медыцынская ВНУ перайменавана ў Віцебскі медыцынскі інстытут.
За сваю гісторыю ВНУ падрыхтавала больш за 40 тысяч спецыялістаў, якія працуюць у сістэме аховы здароўя па ўсёй Беларусі.[1]
Інстытут падчас вайны
[правіць | правіць зыходнік]Да 1941 года было ажыццёўлена сем выпускаў урачоў. У пачатку вайны інстытут быў эвакуіраваны ў Чалябінск, затым у 1943 годзе — у Яраслаўль. Пасля на базе Віцебскага медыцынскага інстытута быў створаны Яраслаўскі медыцынскі інстытут. У 1944 годзе частка супрацоўнікаў інстытута вярнулася ў Мінск, удзельнічала ў аднаўленні Мінскага медыцынскага інстытута. У 1946 годзе інстытут вярнуўся на родную Віцебшчыну.
Пасляваенны перыяд
[правіць | правіць зыходнік]З 1946 года па 1950 ВНУ ўзначальваў Анісім Іванавіч Саўчанка, намеснік Міністра аховы здароўя БССР. У 1948 годзе было створана студэнцкае навуковае таварыства. У 1959 годзе ўступае ў строй будынак галоўнага вучэбнага корпуса і ствараецца, нароўні з дзейным лячэбна-прафілактычным факультэтам, фармацэўтычны факультэт. 1962 г. — адкрыццё ЦНДЛ (цэнтральнай навукова-даследчай лабараторыі). З 1974 года адкрыта падрыхтоўчае аддзяленне (пазней — факультэт прафарыентацыі і давузаўскай падрыхтоўкі), якое рыхтуе абітурыентаў для паступлення ў інстытут.
1980-я гг
[правіць | правіць зыходнік]З 1979 па 1996 год рэктар — Сачак Міхаіл Рыгоравіч, прафесар, заслужаны дзеяч навукі БССР. У 1984 годзе Указам Прэзідыума Вярхоўнага Савета СССР за вялікія заслугі ў падрыхтоўцы кадраў для практычнай аховы здароўя, падрыхтоўцы кадраў для замежных дзяржаў і ў сувязі з 50-годдзем інстытут ўзнагароджваецца ордэнам Дружбы народаў. Установа набывае назву Віцебскі ордэна Дружбы народаў медыцынскі інстытут. У тым жа 1984 годзе адкрываецца факультэт удасканалення ўрачоў. У 1989 годзе інстытут з падначалення Міністэрства аховы здароўя СССР перадаецца Міністэрству аховы здароўя БССР.
1990-я гг.
[правіць | правіць зыходнік]З 1997 па 2005 гг. універсітэт узначальваў Аляксандр Косінец. За гэты перыяд ва ўніверсітэце праведзены глыбокія пераўтварэнні. Адкрыты факультэты: падрыхтоўкі замежных грамадзян (1997), павышэння кваліфікацыі спецыялістаў і перападрыхтоўкі кадраў (1997), прафарыентацыі і давузаўскай падрыхтоўкі (1998), стаматалагічны (2001), педагогікі і псіхалогіі вышэйшай медыцынскай школы (2001). На факультэтах арганізуюцца новыя кафедры і курсы павышэння кваліфікацыі спецыялістаў.
У 1998 годзе інстытут паспяхова прайшоў атэстацыю і акрэдытацыю на статус вышэйшай навучальнай установы ўніверсітэцкага тыпу і ператвораны ў Віцебскі дзяржаўны ордэна Дружбы народаў медыцынскі універсітэт.
2000-я гг.
[правіць | правіць зыходнік]10 сакавіка 2003 года загадам Міністэрства аховы здароўя Рэспублікі Беларусь была створана Клініка ВДМУ. У 2010 годзе ўведзены ў строй марфалагічны корпус, а ў 2011 года асобны будынак медыцынскай бібліятэкі ВДМУ. У 2007 годзе падпісаны Пратакол сумесных дзеянняў па стварэнні філіяла ВДМУ ў ДЗР Шры-Ланка. У 2008 годзе заключаны дагавор аб узаемным супрацоўніцтве з Гданьскай медыцынскай акадэміяй (Рэспубліка Польшча). У 2009 годзе наладжана супрацоўніцтва з аргенцінскім універсітэтам Маймонідас. У лістападзе 2011 года споўнілася 30 гадоў з моманту пачатку падрыхтоўкі замежных грамадзян у Віцебскім дзяржаўным медыцынскім універсітэце. На дадзены момант ва ўніверсітэце навучаюцца замежныя студэнты з 29 краін свету. У 2015 годзе Універсітэт стаў членам Еўразійскай Асацыяцыі універсітэтаў, Міжнароднай асацыяцыі медыцынскай адукацыі, Еўрапейскай асацыяцыі фармацэўтычных факультэтаў, Асацыяцыі медыцынскіх навучальных установе ў Еўропе[2].
Рэктары
[правіць | правіць зыходнік]- Майсей Анісімавіч Хазанаў (1934—1946)
- Анісім Іванавіч Саўчанка (1946—1950)
- Іван Іларыёнавіч Багдановіч (1951—1961)
- Глафіра Антонаўна Мядзведзева (1961—1965)
- Яўген Нікандравіч Мядзведскі (1965—1979)
- Міхаіл Рыгоравіч Сачак (1979—1997)
- Аляксандр Мікалаевіч Косінец (1997—2005)
- Валерый Пятровіч Дэйкала (2005—2015)
- Анатоль Тадэвушавіч Шчастны (2015 — 17 студзеня 2023)
- Аляксей Мікалаевіч Чуканаў (з 17 студзеня 2023)[3].
Выкладчыкі
[правіць | правіць зыходнік]- Леанід Іванавіч Багдановіч
- Мікалай Уладзіміравіч Вінаградаў
- Алег Георгіевіч Даўгяла
- Аляксандр Ільіч Жабянцяеў
- Ірына Міхайлаўна Лысенка
- Уладзімір Сцяпанавіч Макарэнка
- Аляксандр Аляксандравіч Нікалаеў
- Людміла Яўгенаўна Радзецкая
- Іосіф Лазаравіч Саснавік
- Алена Пятроўна Сушко
- Валерый Міхайлавіч Сямёнаў
- Міхаіл Фёдаравіч Яблонскі
- Мікалай Міхайлавіч Янчур
- Людміла Аляксееўна Чарнышкова
Вядомыя выпускнікі
[правіць | правіць зыходнік]- Уладзімір Антонавіч Дамарацкі
- Уладзімір Аркадзевіч Мацвееў
- Анатоль Мікалаевіч Міхайлаў
- Фаіна Барысаўна Хейнман
Зноскі
Спасылкі
[правіць | правіць зыходнік]На Вікісховішчы ёсць медыяфайлы па тэме Віцебскі дзяржаўны медыцынскі ўніверсітэт