Distrig kevreadel

Un distrig kevredadel zo ur rann eus ur reizhiad gouarnamant kevredadel. Alies, an distrigoù-se n'int ket unan eus isrannoù melestradurel boutin ar broioù, ha ne zlefent ket bezañ mesket gante, met rannoù melestradurel a-ziforc'h zo war-eeun dindan renerezh ar gouarnamant kevredadel.

Stadoù-Unanet

Emañ sez ar gouarnamant kevredadel amerikan en un distrig kevredadel anvet Distrig Columbia (District of Columbia, e saozneg). En tu all da se ez eus meur a seurt distrig kevredadel all dindan gouarnamant SUA ha n'int ket stag ouzh bezañs ur gêrbenn :

• Ar reizhiad lezioù-barn kevredadel a rann pep Stad, mui distrigoù Columbia ha Puerto Rico, e meur a zistrig kevredadel justis. Kavout a reer enne pep a lez-varn distrig eus ar Stadoù-Unanet hag a lez eus ar Stadoù-Unanet evit ar freuzioù-stal.

• Bank Kreiz ar Stadoù-Unanet, ar mirlec'h kevredadel, zo anezhañ daouzek bank en holl ar vro ; pep hini eus ar bankoù-se a ra war-dro un distrig eus ar mirlec'h kevedadel.

Malaisia

E Malaisia e vez implijet an anv "tiriegezh kevredadel" (Malayeg : Wilayah Persekutuan) evit an tri rannvro lakaet war-eeun dindan renerezh ar gouarnamant kevredadel : Kuala Lumpur (kêrbenn ar Stad), Putrajaya (kreizenn melestradurel ar gouarnamant kevredadel) hag Enez Labuan (kreizenn arc'hanterezh offshore etrebroadel).

Amerika ar C'hreisteiz

Pa gomzer eus distrig kevredadel (Distrito Federal) e spagnoleg ha portugaleg) e vez anv

• pe eus distrig kevredadel Arc'hantina (hiziv kêr emren Buenos Aires)
• pe eus distrig kevredadel Brazil
• pe eus distrig kevredadel Mec'hiko
• pe eus distrig kevredadel Venezuela

N'eus nemet unan e pep bro.