Mediomatrici
Ar Mediomatrici[1], pe Mediomatriked[2], a oa ur bobl c'halian a oa o vevañ e biz Galia, diazezet e traoñiennoù ar stêrioù Meuse, Moselle ha Saar, er c’horn-bro a zo en-dro da gêr Metz bremañ. En-dro dezho e oa ar pobloù-mañ : Treveri en hanternoz, Leuci er c'hreisteiz, Remi er gornaoueg, Triboci er reter. Divodurum Mediomatricorum (Metz) e oa o c’hêr vrasañ, e kember ar stêrioù Seille ha Mosella.
Julius Caesar e voe an hini kentañ o venegiñ ar bobl-se e-barzh De Bello Gallico, er Iañ kantved kent JK. Hervez Caesar en em astenne o bro betek ar Roen. Kement-se a dalvez moarvat e oa deuet an Triboci eus an tu all d'ar Roen d'en em staliañ er gornaoueg d'ar stêr.
Istor
E 52 kent JK e oa bet kaset 5000 brezelour gant ar Vediomatriked da dagañ arme Caesar e seziz Alesia. Skeiñ o moneiz dezho a raent.
Displeget eo bet an anv "Mediomatrici" evel "ar bobl etre ar Matrona (Marne) hag ar Matra (Moder)."
Notennoù
- ↑ Hervez al latin
- ↑ Notennou diwar-benn ar Gelted koz, p. 86
