Arrival (filmo)
Alveno (eo : alveno) estas usona sciencfikcia filmo de 2016, direktita fare de Denis Villeneuve kies centra temo estas komunikado kaj pri la kerna rolo kiun ludas lingvo kaj politike kaj en niaj personaj rilatoj[1], kiel unua armilo en batalo [1][2]. La filmo aperis la 1-an septembro, premieris en konkurso ĉe la Festivalo de Venecio[3] kaj estis ankaŭ selektita por la internacia filma festivalo de Toronto 2016[4]. La filmo ricevis pozitivajn recenzojn ĉefe pro ĝia etoso, inteligenta sciencfikcia rakontado kaj la performado de Amy Adams, unu el la rolantoj kies heroeco ne venas de kruda forto aŭ specialajn povojn, sed de ŝia kuraĝo, komunikado, inteligenteco, senpartieco kaj aŭtenta deziro rigardi ion el aliaj vidpunktoj[1]. Pluraj publikaĵoj deklaris ĝin la plej bona filmo de la jaro 2016 kaj laŭ la usona filminstituto ĝi estis unu el la dek plej bonaj filmoj en tiu jaro.
Alveno | |
---|---|
filmo | |
Originala titolo | Arrival |
Produktadlando | Usono |
Originala lingvo | angla lingvo |
Kina aperdato | 11 nov. 2016, 10 nov. 2016, 24 nov. 2016 |
Daŭro | 116 minutoj |
Ĝenro | Sciencficio |
Kameraado | Bradford Young |
Reĝisoro(j) | Eric Heisserer Bazita sur: Story of Your Life de Ted Chiang |
Produktisto(j) | Shawn Levy Dan Levine Aaron Ryder David Linde |
Scenaro | Eric Heisserer • Ted Chiang |
Filmita en | Montrealo • Suba Sankt-Laŭrencio • Universitato de Montrealo • Place des Arts |
Loko de rakonto | Ŝanhajo • Montano |
Muziko de | Jóhann Jóhannsson |
Ĉefrolantoj | Amy Adams Jeremy Renner Forest Whitaker Michael Stuhlbarg |
Produktinta firmao | 536635 |
Distribuo | Lava Bear Films, 21 Laps Entertainment, FilmNation Entertainment |
Honorigoj | Critics' Choice Movie Award for Best Sci-Fi/Horror Movie • Akademia Premio por la Plej Bona Sonredaktado • National Board of Review: Top Ten Films • Premio Hugo por la Plej Bona Drama Prezento (Longforma) |
IMDb | |
Rakonto pri lingva komunikado
redaktiKiam misteraj kosmoŝipoj malsupreniras en dek du lokoj sur la tero oni en ĉiu loko provas fari kontakton kun la eksterteranoj[5]. En Usono oni petis al lingvisto Louise Banks malkriptigi la lingvon de la eksterteranoj. Kiam kreskis malamikeco inter la landoj kie la kosmoŝipoj surteriĝis, la skipo serĉas respondojn en vetkuro kontraŭ la tempo.
Rolantaro
redakti- Amy Adams kiel profesoro de lingvistiko Louise Banks
- Jeremy Renner kiel fizikisto Ian Donnelly
- Forest Whitaker kiel kolonelo Weber
- Michael Stuhlbarg kiel agento Halpern
- Mark O'Brien kiel kapitano Marks
- Tzi Ma kiel generalo Ŝang
Produktado
redaktiLa filmo komenciĝis la 7-an de junio 2015 en Montrealo, Kebekio, Kanado[6]. La 15-an de junio 2016 la origina titolo Rakonto de via vivo estis ŝanĝita en Arrival (eo : Alveno)[7].
Muziko
redaktiDeutsche Grammophon eldonis la oficialan muziktrakon la 11-an de novembro 2016. La tuta albumo estis komponita de Jóhann Jóhannsson. Jóhannsson estis nomumita por la Oskaro por plej bona originala muziko en 2017, sed finfine li ne gajnis la premion.
Traka listo
redaktiNe. | Titolo | Daŭro | ||
---|---|---|---|---|
1. | "Arrival" | 2:51 | ||
2. | "Heptapod B" | 3:42 | ||
3. | "Sapir-Whorf" | 1:17 | ||
4. | "Hydraulic Lift" | 3:32 | ||
5. | "First Encounter" | 4:50 | ||
6. | "Transmutation at a distance" | 1:35 | ||
7. | "Around the Clock News" | 1:35 | ||
8. | "Xenolinguistics" | 3:29 | ||
9. | "Ultimatium" | 1:52 | ||
10. | "Principle of Least Time" | 1:20 | ||
11. | "Hazmat" | 4:49 | ||
12. | "Hammers and Nails" | 2:32 | ||
13. | "Xenoanthropology" | 3:08 | ||
14. | "Non-Zero-Sum Game" | 4:18 | ||
15. | "Properties of Explosive Materials" | 3:31 | ||
16. | "Escalation" | 2:02 | ||
17. | "Decyphering" | 2:05 | ||
18. | "One of Twelve" | 3:09 | ||
19. | "Rise" | 1:47 | ||
20. | "Kangaru" | 2:56 | ||
Totala longo: 56:20 |
Filmo sur HD, DVD kaj BLU-RAJ
redaktiArrival estis eldonita kiel cifereca reta distribuaĵo la 31-an januaro 2017 kaj kiel DVD kaj Blu-radia disko la 14-an februaro 2017.
Referencoj
redakti- ↑ 1,0 1,1 1,2 (angla) Aimee Dansereau, The Movie Arrival is a Sci-fi Metaphor for Communication and Language in Relationships Arkivigite je 2017-06-27 per la retarkivo Wayback Machine, She-Fi, la 24-a novembro 2016.
- ↑ (angla) Sarah Bond, What 'Arrival' Can Teach Us About Emotion, Language And Public Regret, Forbes, 23-a novembro 2016.
- ↑ (angla) Venice film festival 2016: full line-up, The Guardian, la 28-a julio 2016
- ↑ (angla) Toronto To Open With ‘The Magnificent Seven’; ‘La La Land’, ‘Deepwater Horizon’ Among Galas & Presentations, Deadline.com, 26-a julio 2016
- ↑ Noto : Kvankam la filmo temas pri eksterteranoj, la filmo Arrival estas filmo por spektantaro kiu ne ŝatas filmojn pri eksterteranoj. Fonto : Lansky, Sam (10-a novembro 2016). "In "Arrival", Amy Adams Takes a Listening Tour of the Universe". Time.
- ↑ (angla) Amy Adams, Jennifer Garner spotted in Montreal as Hollywood filming heats up, Montreal Gazette, 7-a juni 2015
- ↑ (angla) Denis Villeneuve’s ‘Story Of Your Life’ Retitled ‘Arrival’; Opens In The U.S. & U.K. This Fall, The Playlist, 15-a junio 2016
- La samtitola artikolo en la anglalingva vikipedio, versio de la 12-a julio 2017.