Harold Bolingbroke Mudie
Harold BOLINGBROKE MUDIE [mjudi] (naskiĝis la 30-an de januaro 1880[1][2] en Stighgate-London; mortis la 6-an de januaro 1916 en Forges-les-Eaux[3][4] pro aŭto-akcidento) estis angla esperantisto kaj borsisto. Li estis la unua prezidanto de UEA en 1908.[5]
| Harold Bolingbroke Mudie | |
|---|---|
| |
| Persona informo | |
| Naskiĝo | 30-an de januaro 1880 en  Londono, Unuiĝinta Reĝlando
|
| Morto | 6-an de januaro 1916 en Forges-les-Eaux,  Francio
|
| Mortokialo | Trafikakcidento 
|
| Lingvoj | Esperanto |
| Nacieco | anglo |
| Ŝtataneco | Unuiĝinta Reĝlando de Granda Britio kaj Irlando
|
Subskribo 
| |
| Okupo | |
| Okupo | esperantisto (1902–)
|
| Esperanto | |
| Aliaj aktivaĵoj | 1-a prezidanto de UEA |
| Esperantistiĝis en | 1902 |
| Esperantisto numero | 7491 |
Mudie esperantistiĝis en 1902, leginte pri Esperanto en The Review of Reviews. Laŭ Adresaro Serio XXIII (1903) li estis esperantisto 7491 kaj listiĝis kun adreso en Kensington.
Eldona Agado
redaktiEn novembro 1903 Mudie fondis la gazeton The Esperantist, laŭ financa garantio de William Thomas Stead. La gazeto tamen liveris ne perdon, sed profiton. Kiam The Esperantist kunfandiĝis kun The British Esperantist en januaro 1906, li aliĝis al ties redakta komitato. Li multe laboris por la eldono de la Nova testamento en Esperanto.
Oficoj en la brita kaj internacia Esperanto-Movado
redaktiMudie estis unu el la organiza teamo "Trio por la Tria" de la 3-a Universala Kongreso (UK) en Kembriĝo (1907). Li fariĝis unue vicprezidanto, poste (de 1912 ĝis 1916) prezidanto de Brita Esperanto-Asocio. En 1908 li fariĝis prezidanto de la nove fondita Universala Esperanto-Asocio (UEA). Eduard Stettler nomis lin "naskita prezidanto" pro liaj retorikaj kapabloj.
Jam en 1905 li estis nomumita de Zamenhof membro de la unua (ĝis 1906 ankoraŭ provizora) Lingva Komitato[6]..
Li faris multajn alilandajn propagandajn vojaĝojn kaj vizitis ok Universalajn Kongresojn.
En 1912 li starigis siakoste Prezidantan Premion de BEA por verkado de tezoj.
Unua mondmilito
redaktiPost la komenciĝo de la Unua mondmilito en 1914, Mudie aliĝis la armeon kaj faris rapidan karieron. Pro liaj lingvaj kapabloj, oni unue akceptis lin kiel interpretiston, sed tre baldaŭ pro lia montrita organiza kapablo li ricevis komision kun la rango de leŭtenanto en la remonta fako de la brita armeo.
Morto
redaktiEn januaro 1916 kapitano Mudie mortis pro aŭtomobila akcidento en Francio. Mudie iras returne tendaron en la nokto de ĵaŭdo la 6a (verŝajne ĉirkaŭ la naŭa horo) kune kun Leŭt.-Kolonelo Petre. Ili venis al fervoja pasejo je nivelo L’Epiney, Roncherolles-en-Braykaj, kaj devis veki la deĵoranton, kiu eliris kaj malfermis la pordegojn. La pordegoj malfermiĝis, la aŭtomobilo iris antaŭen. En tiu momento, la deĵoranto ekkomprenas, ke la vagonaro malfruis kaj ankoraŭ ne trapasis, kaj ke ĝi alproksimiĝas. La vagonaro alkuris sur la aŭtomobilon. Mudie estis fuj mortigita, la kondukisto (franca soldato, M. Augrand) mortis sur la vojo al la ambulanco, kaj la kolonelo Petre estis grave vundita[7].
Sur lia tombo en la tombejo de Forges-les-Eaux estas jena teksto: "FILANTROPO PREZIDANTO DE BRITA KAJ UNIVERSALA ASOCIOJ DE ESPERANTO".
Pri lia morto diris L.L. Zamenhof[8]:
|
Sekvoj
redaktiNur en 1919 oni elektis novan UEA-prezidanton, nome la antaŭan vicprezidanton Hector Hodler.
Referencoj
redakti- ↑ Enciklopedio de Esperanto
- ↑ Laŭ la oficiala mortoakto redaktita en Francio, la naskiĝdato de Mudie estas 30-a de januaro 1880 (akto konservata en la arkivo de esperantisto Jean Amouroux).
- ↑ Daily Mirror, 14 februaro 1916 (kun foto)
- ↑ Herooj de Forges-les-Eaux
- ↑ Le premier président de l’Association mondiale d’Espéranto repose à Forges-les-Eaux depuis cent ans (La unua prezidanto de la Universala Esperanta Asocio ripozas en Forges-les-Eaux ekde cent jaroj)[rompita ligilo] (france)
- ↑ Esperantista Dokumentaro, kajero 1, Paris aŭg. 1906, p. 21.
- ↑ La Brita Esperantisto - Numero 134, Februaro (1916)
- ↑ La Brita Esperantisto - Numero 136, Aprilo (1916) pĝ 54
Eksteraj ligiloj
redakti| Trovu « Harold Bolingbroke Mudie » inter la Vizaĝoj de homoj rilataj al la ideo «Internacia Lingvo» |
- The Esperantist, Vol. 1, No. 1
- The Esperantist, Vol. 1, No. 2
- The Esperantist, Vol. 1, No. 3
- Enciklopedio de Esperanto/M en sia originala formo en la Interreto
- Enciklopedio de Esperanto en elŝutebla versio (PDF).
- Nekrologo de Bolingbroke Mudie de Hector Hodler, Esperanto, n-ro 2, 1916