Kablanda kreko
Kablanda kreko
| ||||||||||||||
Biologia klasado | ||||||||||||||
| ||||||||||||||
Anas capensis (Gmelin, 1789) | ||||||||||||||
Konserva statuso | ||||||||||||||
Aliaj Vikimediaj projektoj
| ||||||||||||||
La Kablanda kreko aŭ Kablanda pintvostanaso (Anas capensis) estas 44-46 cm longa anaso, tio estas birdo de la grupo de la plaŭdanasoj de malfermaj humidejoj en subsahara Afriko.
Tiu specio estas esence nemigranta, kvankam ĝi moviĝas oportunece al pluvoj.
Aspekto
[redakti | redakti fonton]Kiel ĉe multaj sudaj anasoj, ambaŭ seksoj estas similaj. Ĝi estas tre pala kaj ĉefe griza, kun pli malhelbruna dorso (grandaj nigrecaj plumoj kun fajna hela bordo) kaj rozkolora beko (junuloj ne) kun nigrecaj bazo kaj pinto.
La Kablanda kreko ne povas esti konfuzata kun iu ajn alia anaso en sia teritorio. Iom simila kaj parenca estas la Ruĝbeka kreko, sed tiu havas nigron en supra bordo kaj ne ĉebaze, krom la hela sablokolora vango, klare distinga, kiun la Kablanda kreko tute ne havas. Krome la Kablanda kreko havas sablokoloran kapon kun tre fajna grizeca punkteco, pli helan gorĝareon, pli helbrunan al flavecan irison, kaj brilverdan speguleton inter blankaj bordoj.
Kutimaro
[redakti | redakti fonton]Ĝi estas dise distribuata sed disvastigata anaso, rare vidataj en grandaj grupoj escepte pri la plumoŝanĝaj aroj, kiuj povas nombri ĝis 2,000.
Tiu specio manĝas akvoplantojn kaj malgrandajn bestetojn (senvertebruloj, krustuloj kaj amfibioj)[1] akiritajn per plaŭdado. La nesto estas surgrunde sub vegetaĵaro kaj ĉe akvo.
Temas pri ĝenerale silentema specio, escepte dum la pariĝada memmontrado. La reprodukta masklo havas klaran fajfon, dum la ino havas mildan "kvakon".
La Kablanda kreko estas unu el la specioj al kiuj aplikiĝas la Agreement on the Conservation of African-Eurasian Migratory Waterbirds (AEWA).
Bildaro
[redakti | redakti fonton]Referencoj
[redakti | redakti fonton]- ↑ Hockey, P.A.R., Dean, W.R.J., Ryan, P.G. (Eds). 2005. Roberts – Birds of Southern Africa, VIIth ed. The trustees of the John Voelcker bird book fund, Cape Town.
- BirdLife International (2004). Anas capensis. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Kriterioj kial tiu specio estas Malplej Zorgiga.
|