Rub al-Khali
| Rub al-Khali | |
|---|---|
 | |
| Datu orokorrak | |
| Mota | basamortu |
| Luzera | 621,371 mi |
| Azalera | 680.000 km² |
| Geografia | |
 | |
| Koordenatuak | 20°N 50°E / 20°N 50°E |
| Honen parte da | Ekialde Hurbila |
Rub al-Khali[1] (arabieraz: الربع الخالي, ar-Rubʿ al-Ḫālī, euskaraz: «auzo hutsa»), Rub al-Khali basamortua ere deitua, Arabiako penintsularen hegoaldeko basamortu zabala da, Arabiako basamortuaren parte. 650.000 kilometro koadroko eremua dauka, eta Saudi Arabia, Oman, Arabiar Emirerri Batuak eta Yemengo zatiak hartzen ditu.
Geografia
Iparraldean Persiar golkoa dauka, ekialdean Hajar mendiak, mendebaldean Tuwaykeko goi-ordokia, eta hegoaldean Yemen. Munduko hare-basamorturik zabalen eta lehorrenetako bat da. Haizeek jotako hare finek duna ikusgarriak eratzen dituzte.
Ekonomia
Leinu nomadak bizi dira basamortu horretan, musulmanak, gameluaren hazkuntzatik eta ehizatik bizi direnak. 1975ean, petrolio-hobi oparoak aurkitu ziren Al-Ghawar eskualdean.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q229269
Multimedia: Rub' al Khali / Q229269