Bý

Býflugur liva ikki vilt í Føroyum, men bæði í 19. og í 20. øld hava menn hildið býflugur.

Katólski presturin Georg Bauer, sum búði í Rættará í Havn í húsunum, sum í dag nevnast Christines Minde, var kendur fyri sín framúrskarandi vakra urtagarð, har hann millum annað hevði súreplatrø og býflugubýli. Bauer kom til Føroya í 1857, og má hetta tí hava verið í seinnu helvt av 1800-talinum.

Aftan á seinna heimsbardaga hevði Poul Skade (Schade?), sum var amtsfuldmægtig í Føroyum, saman við ríkisumboðsmanninum hunangsbýflugur í garði sínum undir Varða í Havn. Tá Skade doyði í 1951, vórðu býflugurnar sleptar leysar.

Keldur

• Michelsen, Anna Cathrine: Katolikkarnir í Havn. Í: Varðin 10, 1930