Hjerbeam
Hjerbeam is in doarp yn de gemeente Frjentsjerteradiel, west fan Frjentsjer. It doarp hat 294 ynwenners (31 desimber 2003).
Tsjerke
De tsjerke komt út de Midsieuwen, nei alle gedachten út de twadde helte fan de 13e ieu. It gebou is, op de noardmuorre nei, yn 1872 fernijd, ûnder begelieding fan arsjitekt P.J. Jaarsma. De noardmuorre bestiet gruttendiels út giele kleastermoppen, hjir en dêr reparearre en oanfold mei lytse giele Fryske trijeling-stientsjes. De toer is wierskynlik yn de tweintiger jierren fan de 20e ieu op de westgevel boud en hat in ynsnuorre, achtkante spits, mei laaien dutsen.
Mienskip
It Doarpshûs fan Hjerbeam hjit De Punt.
Ferienings
- Us Twadde Libben - toanielferiening
Ferneamde ynwenners
- Thomas Herbaius, advokaat-fiskaal of prokureur-generaal fan it Hof fan Fryslân.
- Sicco van Goslinga, steatsman (Hjerbeam, 1664 - Doanjum, 20 septimber 1730
- Keunstskilder Jopie Huisman hat hjir ek lang in gruthannel yn fodden en metalen.
- Waarman Piet Paulusma hat jierrenlang yn it doarp wenne.
Befolking
Strjitten
Buorren, Feringastrjitte, Jan Zeinstrastrjitte, Kiestersyl, Leane, Miedleane, Paradyske, Rykswei, Siccamastrjitte, Tsjerkestrjitte.