Abt

In abt (of abdis(se) froulik) is de lieder, it had, fan in abdij. Hy/sy is de 'primus inter pares' fan de muonts (of susters en nonnen) en wurdt yn de hiërargy folge troch de prior. Yn syn wurksumheden wurdt de abt bystien troch de ried, in lytse groep muontsen, wêrûnder de prior, dy't yn gearwurking mei it deistich bestjoer fan de abdij regelje. De abt wurdt seker yn de benediktynske tradysje troch de muontsen sels keazen.

In abt kin in mitere of in net-mitere abt wêze. Yn it earste gefal wurdt hy tsjerkerjochtlik op itselde nivo sjoen as in biskop en hat de jurisdksje oer de abdij, lykas in biskop oer in bisdom. Der is dan sprake fan in saneamde eksimpte abdij. Eartiids wie it mooglik dat in eksimpte abt de legere wijingen oant en mei it subdiakonaat tatsjinne oan de geastliken yn syn machtsgebiet, nei it ôfskaffen fan dizze legere wijingen is dit allinnich noch mooglik troch in biskop.

By de minderbruorren wurdt de oerste de gardiaan neammd.