Orbit Books
| Orbit Books | ||
| ||
| algemien | ||
| nasjonaliteit |  Britsk
| |
| type | privaat | |
| sektor | útjouwerij | |
| haadkertier | Londen (Ingelân) | |
| oprjochte | 1974 | |
| eigner | Lagardère Group | |
| mem | Little, Brown Book Group | |
| dochters | sjoch ûnder ymprints | |
| offisjele webside | ||
| www.orbitbooks.net | ||
Orbit Books is in Britske útjouwerij dy't fêstige is yn Londen en him taleit op 'e publikaasje fan science fiction- en fantasyliteratuer. Sûnt 2006 makket it bedriuw ûnderdiel út fan 'e Hachette UK, de Britske difyzje fan 'e Frânske útjouwerij Hachette Livre.
Skiednis
Orbit Books waard yn 1974 oprjochte as in ûnderdiel fan 'e Macdonald Futura útjouwerij, dy't yn 1992 oernommen waard troch Little, Brown and Company, in difyzje fan 'e Time Warner Book Group. Doe't Time Warner syn útjouwerstûke yn 2006 oan it Frânske multymediaconcern de Lagardère Group ferkocht, waard de Time Warner Book Group omneamd ta de Hachette Book Group en as dochterûndernimming tafoege oan Hachette Livre, de grutste útjouwersdifyzje fan Lagardère. Orbit waard dêrnei tafoege oan Hachette syn oare Britske útjouwerijen, as ûnderdiel fan 'e difyzje Hachette UK. Dêrbinnen heart it ta de Little, Brown Book Group. Under it nije bewâld krige Orbit Books de mooglikheid ta útwreiding, wat late ta de oprjochting fan ôfdielings yn 'e Feriene Steaten (Orbit U.S.) en Austraalje (Orbit Australia).
Skriuwers
Under de skriuwers dy't har wurk by Orbit Books útbrocht hawwe, binne û.o.: Joe Abercrombie, Brian W. Aldiss, Kevin J. Anderson, Patricia Briggs, David Brin, Terry Brooks, Jim Butcher, Trudi Canavan, Orson Scott Card, James Clemens, Kate Elliott, Laurell K. Hamilton, Tanya Huff, N.K. Jemisin, J.V. Jones, Gail Z. Martin, Fiona McIntosh, Elizabeth Moon, K.J. Parker, Kim Stanley Robinson, Brandon Sanderson, Karen Traviss, Brent Weeks en Tad Williams
Ymprints
- Orbit Books (science fiction en fantasy)
- Orbit Australia (sûnt 2007?)
- Orbit U.S. (sûnt 2007)
Keppelings om utens
| Boarnen, noaten en/as referinsjes: |
|
Foar boarnen en oare literatuer, sjoch ûnder: External links, op dizze side. |