Wikipedia:正文標準
閱讀設定
(由Wikipedia:乜嘢係正文跳轉過嚟)
正文工具: |
乜嘢係
推舉正文嘅時候,維基百科編輯會跟五大原則:「雅」、「齊」、「準」、「中」、「穩」。
- 雅,係指文筆優雅,讀出嚟嘅時候流暢。
- 齊,係指文章涵蓋主題嘅每一個範疇,並有足夠嘅細節,唔會甩漏。
- 準,係指文章內容準確,無錯料,所有內容都能夠歸屬到可靠來源,清晰咁用註腳表達出嚟。
- 中,係指角度中立持平,喺闊嘅題材度揀重要嘅範疇嚟寫,喺有爭議性嘅題材度按觀點嘅重要性嚟分配篇幅。
- 穩,係指內容穏定,唔會成日打編輯戰。
喺寫作風格方面,一篇正文亦會達到以下標準:
- 文頭:篇文開頭,目錄之前,應該有一段幾百字嘅概要,概括篇文嘅內容。
- 分段:有條理咁用細標題同分段,等讀者可以直接跳去適當嘅小節搵佢想要嘅內容。
- 引用:格式清晰、風格流暢咁引用出處,等讀者知道點查證文章內容。
- 聲畫:用適量嘅自由插圖去增潤文字,令文章更淺明。如果題材啱用,仲可以加動畫或者錄音添。
- 長度:要夠長去涵蓋題目所有重要嘅範疇,但唔好太長太唚。如果啱用嘅內容太多,應該拆做幾篇文,然後用撮要風格寫篇正文。