ברוך תאומים-פרענקל
רבי ברוך תאומים-פרענקל (ה'תק"ך - ז' תמוז ה'תקפ"ח) באקאנט אלס "דער לייפניקער רב", דער ברוך טעם.
געבורט |
1760 |
---|---|
טויט |
1828 (אלט 68 בערך) |
פאך |
רב |
אפשטאם
רעדאַקטירןרבי ברוך איז געבוירן אין אסטראווצע אין יאר ה'תק"ך צו זיין פאטער הרב יהושע חזקיה יחזקאל פייוויל תאומים-פרענקל. רב אין אסטראווצע, א זון פון הרב יוסף, רב אין אסטראווצע.
רבנות
רעדאַקטירןרבי ברוך איז געווען רב ווישניצא דריי און צוואנציג יאר פון ה'תקל"ח. נאכהער אין יאר ה'תק"ס איז ער געווארן רב אין לייפניק ביז ער איז נפטר געווארן.[1]
הסתלקות
רעדאַקטירןפאמיליע
רעדאַקטירןאין יאר תקל"ח, ביים עלטער פון אכצן יאר, האט רבי ברוך געהייראט בזיווג ראשון א טאכטער פון ר' יהודה פרנס, ראש הקהל פון ווישניצא, א זון פון הרב ברוך פרנס, אן איידעם פון הרב יצחק סג"ל לאנדא, רב אין קראקא. בזיווג שני האט רבי ברוך געהייראט א טאכטער פון הרב יהודה לייב הלוי פון ליסא; זי איז נפטר געווארן אין תקס"ט. בזיווג שלישי האט רבי ברוך געהייראט די אלמנה פון הרב משה הכהן ראפאפארט, א טאכטער פון הרב צבי יהושע הלוי הורוויץ רב אין טריביטש און טארנא, זון פונעם רבי'ן ר' שמעלקא. זיינע קינדער:
- הרב יהושע העשיל תאומים-פרענקל (ה'תק"ם - ה' תמוז ה'תר"ג) פון קאמארנא.
- הרב יוסף תאומים-פרענקל פון פלאנסק.
- מרת רחל פייגא (געב' תקנ"ז בערך), די ווייב בזיווג ראשון פון הרב חיים האלבערשטאם, דער צאנזער רב.
- די ווייב בזיווג שני פון הרב חיים האלבערשטאם, דער צאנזער רב.
- די ווייב פון הרב מנחם מאניש תאומים-פרענקל.
- מרת יוכבד רבקה (תקס"ה - תקצ"ד בערך) די ווייב פון הרב מאיר יחיאל הלוי קאמינער, אן אייניקל פונעם מגן אברהם
- מרת חיה די ווייב פון הרב ישעיה שיף פון זאמאשטש
- מרת גיטל די ווייב פון הרב שלמה זלמן גאלדשטאף פון קראקא.
זיינע ספרים
רעדאַקטירן- ברוך טעם - זעקס סוגיות
- מרגניתא דר"ב, מרגניתא דר"ב השלם - על התורה
- ברוך שאמר - חדושי הש"ס
- חדושי ברוך טעם - חדושי הש"ס
- דרושי ברוך טעם
רעפערענצן
רעדאַקטירן- אונציקלופדיה לחכמי גליציה, מאיר וונדר
- נפתלי אהרן וועקשטיין, ויתילדו, 79
- ↑ לייבל לעווין, גזע פאר, טאבעלע 24
- ↑ שער בלאט פון "עטרת חכמים"