გიორგი მამარდაშვილი
დაბ. თარიღი | 29 ეკენია, 2000 | |
დაბ. აბანი | ქართი, საქორთუო | |
სიმაღალა | 199 სმ. | |
წონა | 70 კგ. | |
პოზიცია | მეკარე | |
ერუან. ნაკორობა | ||
კლუბი | ვალენსია | |
ნომერი | 25 | |
კლუბეფი | 2018-ასეშა |
გიორგი მამარდაშვილი (დ. 29 ეკენია, 2000, ქართი, საქორთუო) — ქორთუ მობურთე. საქორთუოშ ერუანული ნაკორობაშ დო „ვალენსიაშ“ მეკარე. 2020 წანას დეინალჷ ერუანული ლიგაშ საუჯგუშო მეკარეშ წოდება.[1]
საკლუბო კარიერა
ორდოიანი კარიერა
ოკუჩხბურთე კარიერა დიჭყჷ ოკუჩხბურთე კლუბ „გაგრაშ“ მორდუეფიშ ბუნას.[2] 2012 წანას გეგნორთჷ ქართიშ „დინამოშა“, სოდე შხვადოშხვა ხანიშ ახალნორდულ ბუნეფს ლაჸაფენდჷ. 2018 წანაშ სეზონს, თარი ნაკორობაშ გუნაცხადისჷთ ქუმოხვადჷ, მარა ქიანაშ პირველობაშ ფარგანეფს მანჯებულ შეხვალამეფს ნაკორობაშ თარი აკოდგინალუას ვაულაჸაფინუ.
„რუსთავი“
2019 წანას, „რუსთავშა“ იჯარათ გეგნორთჷ. თიში დებიუტიქ იმანჷ კლუბის 2019 წანაშ 2 მელახის ქართიშ „ლოკომოტივწკჷმა“ მატჩის. შეხვალამაქ ქართალეფიშ გომორძგუათ 4–1 გეთჷ.[3] გეჸვენჯი მატჩის, 2019 წანაშ 6 მელახის, ნამუსჷთ „ვიტ ჯორჯიაშ“ სააწმარენჯოთ ილაჸაფუნ, კარი უგოლეთ დოთხილუ დო შეხვალამაქჷთ უგოლე ფრეთ 0–0 გეთჷ.[4] სეზონიშ დაჭყაფუშე მუში კლუბიშ თარი მეკარეშ ამპლუას ქუდოსქიდჷ დო 30 მატჩიშე 9 შეხვალამას ბურთი ვაგუტებჷ. საიჯარო ხეკულუაშ თებაშ უკული კლუბი ქჷდიტუ.
ქართიშ „ლოკომოტივი“
2020 წანაშ დაჭყაფუს, იჯარათ ქართიშ „ლოკომოტივს“ გაგჷნძორუ ლაჸაფი. სეზონი მოლათირეეფიშ სკამით დიჭყჷ. თიში დებიუტიქ კლუბის იმანჯჷ 2020 წანაშ 9 კვირკვეს ბათუმიშ „დინამოწკჷმა“ მატჩის. შეხალამაქ ბათუმარეფიშ გომორძგუათ 4–1 გეთჷ.[5] „ლოკომოტივიშ“ აკოდგინალუას პირველი „სქირე“ მატჩი 2020 წანაშ 18 კვირკვეს, „საბურთალოშ“ სააწმარენჯოთ ილაჸაფუ — შეხვალამაქ უგოლე ფრეთ 0–0 გეთჷ.[6] ხეთეშე კლუბის თარი მეკარეშ აბანი ქიდეკინჷ. თიმ წანასს კლუბწკჷმაართო უეფა-შ ევროპა ლიგაშ მასუმა საკვალიფიკაციე რაუნდის ქემიოჭირინჷ, მუჟანსჷთ ქართალეფქ პირველ ჟირ ტურს რუმინული „უნივერსიტატეას“ დო მოსკოვიშ „დინამოს“ გიორჯგინესჷნ, დო მასუმა ტურს ესპანურ „გრანადაწკჷმა“ დემარცხეს. ესპანურ კლუბწკჷმა მარცხებაშ უმკუჯინალო, ქორთუ მეკარექ ესპანალი სკაუტეფიშ თოჸუჯი მუში გიშნაგორა ლაჸაფით იშენით ქიგიჯინჷ.[7] 2020 წანაშ ქირსეთუთაშ დალიას, მამარდაშვილქ საქორთუოშ კუჩხბურთიშ ფედერაციაშე წანაშ საუჯგუშო მეკარეშ ჯილდო მიღჷ.[8] 2021 წანაშ ღურთუთას — უეფაქ მობურთე 50 არძაშე პერსპექტიული მობურთეეფიშ ერკებულშა გენშიჸიონჷ.[9] 2021 წანაშ დაჭყაფუს — კინ ქართიშ კლუბის გიშულა გაგჷნძორუ.
„ვალენსია“
2021 წანაშ 7 მანგის, ართწანიანი იჯარათ დო გეჸვენჯი გიშაჸიდირიშ შილებუანობათ, პირველაშე გოტებულქ იჸუ „ვალენსიაშ“ სარეზერვო ბუნაშა, ნარდიშუაშ ღანკით.[10][11] წიმისეზონური ნარდიშუას მამარდაშვილქ ესპანური კლუბიშ მაწვართალშა, ხოსე ბორდალასშა, საუჯგუშო ინნახანტა იღვენჷ, ნამუშ უკულჷთ ქორთუ მობურთე თიქ ხეთეშე თარი ნაკორობაშ თარი მეკარეთ ქჷდარინუ.[12] თიში ესპანური დებიუტიქ იმანჯჷ 2021 წანაშ 13 მარაშინათუთას, ლა ლიგაშ პირველი ტურიშ შსეხვალამას, „ხეტაფეშ“ სააწმარენჯო მატჩის. მატჩიქ „ვალენსიაშ“ გომორძგუათ, ანგარიშით 1–0 გეთჷ.[13]
ნაკორობული კარიერა
2016 წანაშ 3 გჷმათუთას, ართი მატჩი ილაჸაფუ საქორთუოშ 17-წანაშახ მობურთეეფიშ ნაკორობაშ რანწკეფს შვედი მუში მახანეფიშ სააწმარენჯოთ.[14]
საქორთუოშ 21-წანაშახ მობურთეეფიშ ნაკორობაშ აკოდგინალუას ოკათუდჷ 2023 წანაშ 21-წშანაშახ მობურთეეფიშ ევროპაშ ჩემპიონატის, ნამუსჷთ საქორთუო წორომენძელენდჷ.[15]
მუთ ოჭაჭჷ საქართველოშ ერუანული ნაკორობას, თიში დებიუტიქ ერუანულ ბუნას 2021 წანაშ 8 სეკენიას, ბულგარეთიშ ერუანული ნაკორობაშ სააწმარენჯოთ მანჯებულჷ მაჸალურ შეხვალამაქ იმანჯჷ.
გეჸვენჯი 2022 წანას, ხუთ ნაკრობულ შეხვალამას ოკათუდჷ. თინეფშე ხვალე ჟირი რდჷ მაჸალური — ალბანეთიშ დო მაროკოშ ნაკორობეფწკჷმა, დოსქილადირი მატჩეფს ქიანაშ ნაკორობაშ ჭარაფაქ ოთხილარქჷ აჸუ უეფაშ ერეფიშ ლიგას.
2023 წანას ბრუოშა ილაჸაფჷ საქორთუოშ ერუანული ნაკორობას დო ბრუოშა ევროპაშ ჩემპიონატიშ ჰიშაგორუ ციკლიშ მატჩეფს.
2024 წანაშ 26 მელახის, ევრო 2024-იშ საკვალიფიკაციე ეტაპიშ პლეი-ოფიშ ფინალშა, საქორთუოქ საბერძნეთის მუგჷ დო ისტორიას პირველაშე ევროპაშ ჩემპიონატიშ ფინალურ ეტაპშა გიშულაშ ნება მიპალჷ. მატჩიშ თრი დო გეძინელი ბორჯი უგოლეთ, 0–0 გეთჷ. მატჩიშ გეჸვენჯი პენალტეფიშ სერიას, საქორთუოშ ნაკორობაქ აწმარენჯი 4–2 დამარცხჷ. გიორგი მამარდაშვილქ ბერძენეფიშ ბუნაშ კაპიტანიშ, ანასტასიოს ბაკასეტასიშით გეშქუმალირი პირველი პენალტი გეჭოფჷ, ნამუქჷთ უშანულამაში როლი ილაჸაფუ ქორთუ მობურთეეფიშ საბოლა წჷმოძინას.[16][17][კომ. 1]
საკლუბო სტატისტიკა
- მოახალებაშ თარიღი: 27 მაისი, 2024[18]
კლუბი | სეზონი | ლიგა | ერუანული თასი | კონტინენტური | შხვა | გვალო | ||||||
---|---|---|---|---|---|---|---|---|---|---|---|---|
დივიზიონი | მატჩი | გოლი | მატჩი | გოლი | მატჩი | გოლი | მატჩი | გოლი | მატჩი | გოლი | ||
დინამო ქართი | 2018 | ერუანული ლიგა |
0 | 0 | 0 | 0 | — | — | 0 | 0 | ||
→ რუსთავი | 2019 | 28 | 0 | 2 | 0 | — | 2[კომ. 2] | 0 | 32 | 0 | ||
→ ლოკომოტივი ქართი |
2020 | 11 | 0 | 1 | 0 | — | — | 12 | 0 | |||
2021 | 18 | 0 | 2 | 0 | 3[კომ. 3] | 0 | — | 23 | 0 | |||
გვალო | 29 | 0 | 3 | 0 | 3 | 0 | 0 | 0 | 35 | 0 | ||
ვალენსია | 2021–22 | ლა ლიგა |
18 | 0 | 3 | 0 | — | — | 21 | 0 | ||
2022–23 | 38 | 0 | 3 | 0 | — | 1[კომ. 4] | 0 | 42 | 0 | |||
2023–24 | 37 | 0 | 0 | 0 | — | — | 37 | 0 | ||||
გვალო | 93 | 0 | 6 | 0 | 0 | 0 | 1 | 0 | 100 | 0 | ||
ართო ეჭოფილი | 150 | 0 | 11 | 0 | 3 | 0 | 3 | 0 | 167 | 0 |
ნაკორობული სტატისტიკა
- მოახალებაშ თარიღი: 26 მანგი, 2024
ერუანული ნაკორობა | წანა | მატჩი | გოლი |
---|---|---|---|
საქორთუო |
2021 | 1 | 0 |
2022 | 5 | 0 | |
2023 | 8 | 0 | |
2024 | 6 | 0 | |
გვალო | 20 | 0 |
ნაკორობული მატჩეფი დო გოლეფი
№ | თარიღი | შეხხვალამაშ აბანი | მენძელი | ანგ. | სუმარი | ტურნირი | გოლეფი | ხვილაფა | წყუ |
---|---|---|---|---|---|---|---|---|---|
1 | 08.09.2021 | სოფია | ბულგარეთი |
4–1 | მაჸალური | [19] | |||
2 | 29.03.2022 | ტირანა | ალბანეთი |
0–0 | მაჸალური | [20] | |||
3 | 09.06.2022 | სკოპიე | მაკედონია |
0–3 | ერეფიშ ლიგა | [21][22] | |||
4 | 23.09.2022 | ქართი | საქორთუო |
2–0 | ერეფიშ ლიგა | [23] | |||
5 | 26.09.2022 | გიბრალტარი | გიბრალტარი |
1–2 | ერეფიშ ლიგა | [24] | |||
6 | 17.11.2022 | შარჯა | მაროკო |
3–0 | მაჸალური | [25] | |||
7 | 28.03.2023 | ბათუმი | საქორთუო |
1–1 | ევრ. გიშ. | [26] | |||
8 | 17.06.2023 | ლარნაკა | კვიპროსი |
1–2 | ევრ. გიშ. | [27] | |||
9 | 20.06.2023 | გლაზგო | შოტლანდია |
2–0 | ევრ. გიშ. | [28] | |||
10 | 08.09.2023 | ქართი | საქორთუო |
1–7 | ევრ. გიშ. | [29] | |||
11 | 12.09.2023 | ოსლო | ნორვეგია |
2–1 | ევრ. გიშ. | [30] | |||
12 | 15.10.2023 | ქართი | საქორთუო |
4–0 | ევრ. გიშ. | [31] | |||
13 | 16.11.2023 | ქართი | საქორთუო |
2–2 | ევრ. გიშ. | [32] | |||
14 | 19.11.2023 | ვალიადოლიდი | ესპანეთი |
3–1 | ევრ. გიშ. | [33] | |||
15 | 21.03.2024 | ქართი | საქორთუო |
2–0 | ევრ. გიშ. | [34] | |||
16 | 26.03.2024 | ქართი | საქორთუო |
0–0 | ევრ. გიშ. | 4–2[კომ. 5] | [35] | ||
17 | 09.06.2024 | პოდგორიცა | მონტენეგრო |
1–3 | მაჸალური | [36] | |||
18 | 18.06.2024 | დორტმუნდი | თურქეთი |
3–1 | ევრო 2024 | [37][38] | |||
19 | 22.06.2024 | ჰამბურგი | საქორთუო |
1–1 | ევრო 2024 | [39] | |||
20 | 26.06.2024 | გელზენკირხენი | საქორთუო |
2–0 | ევრო 2024 | [40] |
რესურსეფი ინტერნეტის
- გიორგი მამარდაშვილი — საქoრთუოშ ერუანული ლიგაშ ვებ-ხასჷლას
თემატური საიტეფი |
---|
AFS · BDFutbol · EU-Football.info · FBref.com · FootballDatabase.eu · FootballFacts.ru · L’Équipe · National Football Teams.com · Soccerbase · Soccerway · playmarkerstats.com · Transfermarkt · WorldFootball.net · Internet Movie Database |
მედია |
---|
Sportall.ge · WorldSport.ge |
კომენტარეფი
- ↑ საქორთუოშ ნაკორობაქ თე ისტორიული მატჩი გეჸვენჯი აკოდგინალუათ მანჯჷ: მამარდაშვილი, კაკაბაძე, კაშია, კვირკველია, დვალი, შენგელია (წიტაიშვილი 86), ქოჩორაშვილი, კიტეიშვილი (კვეკვესკირი 104), ჩაკვეტაძე (დავითაშვილი 104), კვარაცხელია (ქვილითაია 109), ზივზივაძე (მიქაუტაძე 75).
- ↑ ერუანული ლიგაშე გიშაჸათამალი პლეი-ოფი
- ↑ უეფა-შ ევროპა ლიგას მანჯებყლი შეხვალამეფი
- ↑ ესპანეთიშ სუპერთაის მანჯებული შეხვალამეფი
- ↑ საქართველოს ნაკრებმა საბერძნეთი პლეი-ოფის ფინალში პენალტების სერიაში 4–2 დაამარცხა და დამოუკიდებელი საქართველოს ისტორიაში პირველად ევროპის ჩემპიონატზე თამაშის უფლება მოიპოვა.
სქოლიო
- ↑ ELIGA AWARDS 2020 Archived 2023-08-12 ვებ-ხასჷლას Wayback Machine. // europop.ge
- ↑ გაგრელი მწვრთნელის ხსოვნას ტურნირი მიეძღვნა
- ↑ Lokomotivi Tbilisi vs. Rustavi / Erovnuli Liga // soccerway
- ↑ Rustavi vs. WIT Georgia / Erovnuli Liga // soccerway
- ↑ Lokomotivi Tbilisi vs. Dinamo Batumi / Erovnuli Liga // soccerway
- ↑ Saburtalo vs. Lokomotivi Tbilisi / Erovnuli Liga // soccerway
- ↑ ესპანელების ყურადღება „გრანადასთან“ მატჩში მიიპყრო
- ↑ საუკეთესო მოთამაშეები პოზიციების მიხედვითაც გაირკვა
- ↑ 50 for the future: UEFA.com's ones to watch for 2021
- ↑ Georgian goalkeeper joins on loan with an option to buy
- ↑ Mamardashvili ya está en València
- ↑ Mamardashvili se hace gigante
- ↑ Bordalás y Mamardashvili se divierten en la locura de Mestalla
- ↑ Sweden U17 4–0 Georgia U17 / UEFA U17 Championship // soccerway
- ↑ UEFA U21 Championship 2023 Romania/Georgia // Group A
- ↑ მადლობა, რომ საქართველო ვართ - როგორ დავწერეთ ისტორია. დოარქივაფილი რე ორიგინალშე 2024-03-27-ს. კითხირიშ თარიღი: 2024-04-01.
- ↑ საქართველოს ნაკრებმა საბერძნეთი დაამარცხა
- ↑ გიორგი მამარდაშვილი — Soccerway
- ↑ Bulgaria 4–1 Georgia / Friendlies // soccerway
- ↑ Albania 0–0 Georgia / Friendlies // soccerway
- ↑ North Macedonia 0–3 Georgia / UEFA Nations League // soccerway
- ↑ North Macedonia 0–3 Georgia / UEFA Nations League // uefa.com
- ↑ Georgia 2–0 North Macedonia / UEFA Nations League // soccerway
- ↑ Gibraltar 1–2 Georgia / UEFA Nations League // soccerway
- ↑ Morocco 3–0 Georgia / Friendlies // soccerway
- ↑ Georgia 1–1 Norway / Qual. Euro 2024 // soccerway
- ↑ Cyprus 1–2 Georgia / Qual. Euro 2024 // soccerway
- ↑ Scotland 2–0 Georgia / Qual. Euro 2024 // soccerway
- ↑ Georgia 1–7 Spain / Qual. Euro 2024 // soccerway
- ↑ Norway 2–1 Georgia / Qual. Euro 2024 // soccerway
- ↑ Georgia 4–0 Cyprus / Qual. Euro 2024 // soccerway
- ↑ Georgia 2–2 Scotland / Qual. Euro 2024 // soccerway
- ↑ Spain 3–1 Georgia / Qual. Euro 2024 // soccerway
- ↑ Georgia 2–0 Luxembourg / Qual. Euro 2024 // soccerway
- ↑ Georgia 0–0 Greece / UEFA Euro 2024 Qualifiers // soccerway
- ↑ მონტენეგრო 1–3 Georgia / Friendlies. soccerway
- ↑ Türkiye 3–1 Georgia / UEFA Euro 2024. soccerway
- ↑ Türkiye 3–1 Georgia / BVB Stadion Dortmund. UEFA
- ↑ Georgia 1–1 Czechia / UEFA Euro 2024. soccerway
- ↑ Georgia 2–0 Portugal / UEFA Euro 2024. soccerway
- დუნაბადი 2000
- დუნაბადი 29 ეკენია
- შურდგუმილი კათა
- ქართის დუნაბადეეფი
- ქორთუ მობურთეეფი
- ერუანული ლიგაშ მობურთეეფი
- ქართიშ დინამოშ მობურთეეფი
- რუსთავიშ მეტალურგიშ მობურთეეფი
- ქართიშ ლოკომოტივიშ მობურთეეფი
- ესპანეთიშ პრიმერა დივიზიონიშ მობურთეეფი
- ვალენსიაშ მობურთეეფი
- საქორთუოშ ნაკორობაშ მობურთეეფი
- 2024 წანაშ ევროპაშ ოკუჩხბურთე ჩემპიონატიშ მობურთეეფი