კლიფი
კლიფი (ინგლ. cliff) — ზუღაშ რეღმეფიშ ქიმინჯალათ გოჭყაფილი აბრაზიული ქირქე, ნამუთ გჷმიხანტუ ზუღაშ დო ტობაშ ოძგალეშეფს. გჷშმასხუნუნა აქტიურ დო ღურელ კლიფეფს. აქტიური რე თიშნერი კლიფი, ნამუთ წორობორჯიშ გოძვენას წყარიშ რეღმეფიშ გაულათ აკოცენს, დო ღურელი კლიფი ალმახანური ბორჯის რეღმეფიშ გაულაშ გიმე ვა რე.
კლიფი აფხვადჷნა ანდა ქიანას, თინეფს შქას ირლანდიას, ნორვეგიას, ესპანეთის, ისლანდიას, უკრაინას, ააშ-ს დო შხვ. კლიფი ზუღაშ ოძგალეშე კირდეეფიშნერი რე ერხინილი დო სიმაღალას შხირას ოშულ მეტრას უმონს. სამანგათ: ევროპაშ კონტინენტის რინელი კლიფეფი სიმაღალას ოშქარო 200-300 მ-აშ მანგი რე. ეოშინალი რრ ირლანდიას მადვალჷ ზუღაშ კლიფი — სლივ-ლიგი, ნამუშ კვათირი კირდეეფი ზუღაშ დონეშე 598 მ სიმაღალას რე. ნამთინეშა კლიფეფს ამადგჷ არქეოლოგიური ქილინჯეფი.
კლიფიშ სინონიმი რე აბრაზიული ოკუჩხალე. თის უხურგანს აბრაზიული ტერასა — ბენჩი.
ქოძირით თაშნეშე
რესურსეფი ინტერნეტის
- კლიფი – ენციკლოპედია ბრიტანიკა (ინგლისური)
