barbôjhe

Walon (Rifondou)

Etimolodjeye

Bodje « bôjhe » avou l’ betchete « bar- » (etimolodjeye nén acertinêye).

Prononçaedje

• AFE :
  • diferins prononçaedjes : /baʀ.ˈbõʃ/ /baʀ.ˈboːʃ/ /baːʀ.ˈboːʃ/ /baʀ.ˈbuʃ/ (betchfessî ô) (betchfessî jh, halcrosse rîlêye)
  • prononçaedje zero-cnoxheu : /baʀ.ˈbõç/
• Ricepeures : bar·bôjhe

Sustantif

singulî	pluriyal
barbôjhe	barbôjhes

barbôjhe femrin

1. pitite poûssire dins del claire aiwe, del bire envd.
   • I n’ vout nén boere si vere a cåze d’ ene barbôjhe k’ a toumé ddins. — Båze di dnêyes di l’ Årdene nonnrece.
2. poûssire dins l’ ouy.
   • Il a tcheu ene barbôjhe dins mi ouy e tchåstant.
3. espite ki vole evoye foû d’ on feu.
4. pitite nukete dins del coleur.
5. båbe di ploume.
6. pitite sacwè.
   • I n’ a falou k’ ene barbôjhe po fote l’ araedje dins l’ manaedje.
   • I n’ lyi aveut manké k’ ene barbôjhe po-z-z aveur si diplome des umanités ! — Båze di dnêyes di l’ Årdene nonnrece.
7. pitite cwantité.
   • Les abondroets a payî a Sour Sorire sont di 3 åcint des vindaedjes e gros e l’ Beldjike et 1,5 åcint des vindaedjes e gros foû payis ; ene barbôjhe, cwè. — Lucyin Mahin.
8. pitite sacwè k’ on voet foirt lon.
9. (mot d’ meteyo) pitite nûlêye, ki vént dins on clair cir.
   • I n’ fåt k’ ene barbôjhe po l’ tins candjî.
   • Gn a des barbôjhes e l’ air, li tins va candjî.
   • Å dzeu, dins li stoelî, li Pere Noyé continowe a s’ cotaper et a zoupler d’ ene barbôjhe a l’ ôte. — Yves Paquet.
   • Gn aveut måy ene barbôjhe ki ridéve sol cir. — Lorint Hendschel.
   • Li bontins, ci serè tenawete ene timide clignete do solea, did pa padrî sacwants ploumions d’ barbôjhe kel fwaiynut assoti. — Lucien Somme.
   • Les barbôjhes d’èsté Fwaîynut chîlter Li doûce tchanson des blés. — Germaine Tilmant.
10. pitit mehin.
    • I n’ fåt k’ ene pitite barbôjhe dins l’ manaedje.

Ratourneures

1. èn nén esse a ene barbôjhe près
2. èn nén leyî ene barbôjhe : èn rén leyî.
   • I tént s’ cotjhea come on cotlî ki s’ dåre so les dints d’ tchén po ndè pus leyî ene barbôjhe. — Lucien Somme.

Parintaedje

(minme sourdant etimolodjike)

• barbuzete
• bouzin

Sinonimeye

• (pitite poûssire) : bablute, faflote, maton, bouxhe
• (pitite cwantité) : pwel / poy, miete, rén, gote, faflote, tchitchêye; Loukîz a : «Motyince:pitite cwantité/walon»

Ortografeyes

Divant 1900 :

• barbôje : S101
• barbauches : S101

Après 1900, foû rfondou (Feller, Feller ricandjî, nén Feller) :

• barbôje : O0, S109, S117
• bârbôje : S117
• barbauche : C8
• barbauje : C1, C13, C9
• barbouche : O4
• = ? barbôch : G152

E rfondou walon :

• barbôjhe : R13

Li mot n’ est nén dins : S5, S24, S25

Ratournaedjes

pitite poûssire

• Francès : grain de poussière ^(fr), particule ^(fr), impureté ^(fr), miette ^(fr), saleté ^(fr), corps étranger ^(fr), cendre ^(fr)

pitite nukete dins del coleur

• Francès : bavure ^(fr)

pitite cwantité

• Francès : rien ^(fr), fifrelin ^(fr), vétille ^(fr), soupçon ^(fr); èn nén leyî ene barbôjhe : ne pas laisser la moindre trace

pitite nûlêye

• Francès : léger nuage ^(fr)

pitit mehin

• Francès : léger contrariété ^(fr)