黄浦江
黃浦江(也叫做黄浦、浦江),老早叫做黄歇浦(简称歇浦)、春申江(简称申江),是上海市境内顶顶大个河流。因为战国辰光楚国个春申君黄歇,所以叫迭个名字。搿条江历史浪是吴凇江个支流,乃朝反过来比吴凇江更大,拿上海割成仔浦西搭仔浦东,邪气有名个上海外滩搭陆家嘴,侪立在黄浦江两岸。
概况
黄浦江拢总长大约码子114公里,阔300-700米,正常全年冻弗起来,是上海个重要水道。它从上海市青浦区朱家角镇个淀山湖开始,一直到吴淞口汇入长江,是长江入海前个阿末一条支流。黄浦江也是太湖向东海排水个重要通道,现在大约码子78%个太湖入海个水是走黄浦江个,主要有淀山湖、太浦河、红旗塘、上海塘箇四個大个水系。
主要个支流包括吴淞江、蕰藻浜、川杨河、淀浦河、大治河、斜塘、园泄泾、大泖港。浦东、浦南地区临海,通过川杨河、大治河、金汇塘、紫竹塘等河浜用上黄浦江个水来灌溉当地。
黄浦江市区段水深10米左右,顶顶深个地方有17米左右,曾经是上海航运业个核心水道,十六铺码头就拉伊边浪。乃朝,只有巨潮港(奉贤西北部)到吴淞口段航道深度还有8.2米以上,松浦大桥到吴淞口一直好开3000吨级个海轮,5000吨级个海轮好直接到闵行,2万吨级个海轮好直接开到吴泾,5万吨级个海轮好到徐浦大桥。
历史
黄浦江两岸个综合开发
黄浦江两岸个综合开发规划,范围从吴淞口至徐浦大桥,两面岸线长大约码子85公里,规划控制面积大约码子有74平方公里。规划控制范围里向有核心区搭仔协调区,其中核心区分为中心段、南延伸段搭北延伸段,跟浦东新区、宝山区、杨浦区、虹口区、黄浦区搭徐汇区6个行政区有关系[1]。
2017年年底,黃浦江东岸个滨江公共空间贯通开放,勒拉东岸,从杨浦大桥到徐浦大桥个滨江岸线上,每隔1公里就有1座好让市民休息、娱乐个望江驿[2][3]。
2018年1月1号,黄浦江两面从杨浦大桥到徐浦大桥个45公里岸线公共空间全部打通,并开放畀全体市民[4][5]。
越江设施
黄浦江上个桥
勒拉1930年代,就曾经有过造桥个动议,但一直呒没实施。1970年代为仔配合上海石化工程,造出来黄浦江浪头一座大桥——松浦大桥。但勒拉造桥个辰光,伊拉呒没想未来个航道会得向黄浦江个上游跑,所以桥下头个净通航高度只有10米。
1980年代开始,南浦大桥开工。箇后头,黄浦江上个桥开始冒出来。
穿越黄浦江个隧道[6]
穿越黄浦江个地铁
|
|
参考资料
- ↑ 浦江规划前言. 上海市黄浦江两岸开发工作领导小组办公室网站. 原始文档勒2016-05-05存档. 访问日脚2012-05-08.
- ↑ "而立浦东再出发". Retrieved 2022-06-28.
- ↑ "望江驿,又有新“发现”!".
- ↑ 黄浦江两岸45公里公共空间今贯通,新一轮三年行动计划启动 档案,存勒互联网档案馆当中。(2020年11月6号).上观.
- ↑ 还江于民 黄浦江两岸45公里公共空间全部贯通 档案,存勒互联网档案馆当中。(2018年5月16号).第1财经.
- ↑ 黄浦江上规划再建9条越江隧道 (zh). 新华网 (2009-07-07). 原始文档勒2015-02-06存档.