Veelhoek
E veelhoek of polygone (van 't Grieks πολύς (polus): vele en γωνία (gonia): hoek) is e vlakke geometrische figeure, die gevormd wordt deur minstns drie puntn mè mekoar te verbiendn deur lynstikkn, woadeure dat er e plat vlak omslootn wordt. Ook da plat vlak wordt veelhoek genoemd. Driehoekn en vierhoekn zyn gekende vôorbeeldn van veelhoekn. De lynstikkn wordn zydn genoemd.
Sôortn veelhoekn
Veelhoekn wordn ingedêeld noa 't antal zydn en eevn vele hoekn.
- Driehoek (triangel of trigone)
- Vierhoek (tetragone)
- Vuufhoek (pentagone)
- Zeshoek (hexagone)
- Zeevnhoek (heptagone)
- Achthoek (octogone)
- Neegnhoek (nonagone of enneagone)
- Tienhoek (decagone)
- --
Taxonomische indêlienge
- Veelhoek: simpel of complex
- Simpele veelhoek: convex of concoaf
- Simpele convexe veelhoek: regelmoatig
E veelhoek is simpel ot 'n en ienkele grenze hèt die hemzelve nie snydt. Anders wordt 'n complex genoemd.
E simpele veelhoek wordt convex genoemd ot 'n gin interne hoekn hèt die grotter zyn of 180°. Anders wordt 'n concoaf genoemd.
E veelhoek is regelmoatig on al de zydn eevn lank zyn en al d' hoekn eevn grôot. Vôorbeeldn: gelykzydigen driehoek, vierkant.