Печатлан версия кутонтэм луэ, соин сое возьматонын янгышъёс луыны быгато. Выльдэ браузерысьтыды закладкаоссэ но со интые,
браузерлэсь печатлан функцизэ нимаз пусйытэк кутэ.
Буй (баш. Беүә — ӵыпет) — Удмуртиысь, Башкортостанысь но Пермь шаерысь шур.
Солэн йылыз Пермь шаерлэн лымшор палаз, Куеда ёросын интыяськемын. Шур бызе Куеда ёрослэн, Башкириысь Янаул ёрослэн, Нефтекамск кар округлэн но Удмуртиысь Камбарка ёрослэн музъемъёстӥзы. Усе Кам шуре. Кузьдалаез — 228 километр.
Буе усё:
- паллянысь — Еламбуй, Искильдинка, Солдово, Арей, Гондыр, Пичи Гондыр, Барибановка, Рабаковка, Сандугач, Каймаш, Янаулка, Шудег, Орья, Бардяш-Баш, Калмыш, Амзя шуръёс;
- бурпалась — Аряж, Ирмиза, Быр, Альняш, Шагирт, Сава, Москудья, Урада, Варяш, Ошья, Вояда, Ямьяды-Елга, Пизь шуръёс.
