Сулфат кислота

Сулфат кислота Ҳ₂СО₄ – икки асосли кучли кислота. Унинг электрон ва тузилиш формулалари қуйидагича (олтингугуртнинг 6 та электрони кислород атомлари томон силжиган).

Олиниши

Сулфат кислотани олиш учун қуйидаги схема асосида борадиган кимёвий реаксияларни амалга ошириш керак: ФеС₂→ СО₂ → СО₃ → Ҳ₂СО₄.

Физик хоссалари

Оддий шароитда ҳидсиз, рангсиз, оғир мойсимон суюқлик; зичлиги 1,83 г/см³ (15 °C-да), қотиш температураси 10,45 °C, қайнаш температураси 296,2 °C. Сулфат кислота сувни ўзига ютиб, кўп миқдорда иссиклик чиқаради. Шу сабабли уни суюлтиришда кислотага сув қўшиш салбий оқибатларга олиб келади (кучли портлаш содир бўлиши мумкин). Сулфат кислотани суюлтириш учун уни озоздан сувга қўшилади. Сулфат кислота нинг сувдаги эритмаларини совитиш йўли билан унинг Ҳ₂СО₄·Ҳ₂О, Ҳ₂СО₄·2Ҳ₂О, Ҳ₂СО₄·4Ҳ₂О таркибли гидратлари олинган. Сулфат кислота сулфатлар ва гидросулфатлар ҳосил қилади. Консентрланган Сулфат кислота кучли оксидловчи. Сулфат ангидриднинг Сулфат кислота даги эритмаси „тутовчи“ Сулфат кислота ёки олеум номи билан юритилади. Сулфат кислота олтингугурт, олтингугурт колчедани ФеС₂, сулфит ангидрид СО₂ ва бошқа дан ҳам ҳосил қилинади. Сулфат кислота кимё саноатининг муҳим маҳсулоти. Ўғит тайёрлашда, металлургияда, нефтни тозалашда, бўёқчилик саноатида, сунъий толалар, портловчи моддалар, хлорид кислота олишда, қўрғошинли аккумуляторларда электролит сифатида ва бошқаларда ишлатилади.

Сулфат кислота ишлаб чиқаришдаги заҳарли газлар (СО₂ ва НО₂), шунингдек, СО₃ ва Ҳ₂СО₄ буғлари анча хавфлидир. Шунинг учун қурилмаларни яхшилаб герметиклаш ва шамоллатиш керак. Сулфат кислота терини кучли куйдиради, у билан ишлаганда ҳимоя воситалари (кўзойнак, резина қўлқоп, фартук, этик)дан фойдаланиш зарур. Аккумуляторларга ҳам бу кислота қуйилади.